9:93  93  CONTRA  WESTPHALUM.  94  annos  quindecim  quid  mihi  in  utriusque  [pag.  109]  partis  actione  minus  placeret,  professus  sum.  Addidi  etiam,  bonis  et  piis  omnibus  nihil  esse  magis  optabile,  quam  ut  perpetua  oblivione  sepulta  iaceat  infausta  illa  contentio.  Nunc  si  appaream  Zvinglii  defensor,  antequam  ad  causam  ventum  fuerit,  rogabit  Westphalus  qua  conscientia,  imo  qua  fronte  tueri  ausim  quod  mihi  non  probatur.  Obiiciet,  me  infelix  certamen  renovare,  quod  aeternis  tenebris  pridem  devovi:  denique  magna  probrorum  congerie  me  obruet.  Ergo  inimici  hominis  non  occulta  vafritie,  sed  praefracta  impudentia  in  locum  ancipitem  et  lubricum  redactus,  in  qnancunque  partem  me  movero,  obnoxius  ero  eius  maledictis:  1)  nisi  quod  mihi  viam  aperit  veritas,  qua  tutus  ab  eius  insectatione  incedam.  Magnum  nescio  quid  adeptus  sibi  videtur,  quod  alicubi  Zvinglius  Helveticas  ecclesias  cum  Saxonicis  consentire  negat  in  huius  loci  expositione:  Hoc  est  corpus  meum.  Quasi  vero  non  plus  satis  pervulgata  sit  contentio,  quae  tamdiu  magnos  et  celebres  viros  exercuit,  quorum  libri  dissensionem  fuisse  clamitant:  unde  elicere  licebat,  quum  evangelium  renasci  vel  postliminio  restitui  in  lucem  videret  Satan,  ad  tardandum  [pag.  110]  eius  cursum  non  modo  subornasse  professos  hostes,  sed  veteri  artificio  inter  ipsos  Christi  servos  intestinum  bellum  movisse.  Imo  aliud  observandum  erat,  quod  supprimere  conatur  Westphalus.  Nam  qui  factum  est,  ut  aliis  dogmatibus  papistas  tantum  opposuerit:  in  hoc  vero  capite  Lutherum  commiserit  cum  optimis  viris  et  cordatis  doctoribus,  qui  fidi  alioquin  adiutores  futuri  erant,  nisi  quia  extrema  sibi  quaeque  tentanda  vidit,  ne  a  vesana  superstitione  mundus  resiperet?  Fateor  quidem  innumeris  modis  dementatos  fuisse  sub  papatu  miseros  homines:  sed  hoc  prae  aliis  horribile  ac  prodigiosum  fuit  fascinum,  quo  stupefacti  panem  Dei  loco  adorarunt.  Quod  autem  odiose  commemorat  Westphalus,  quoad  rei  substantiam,  nihil  praeter  panem  et  vinum  relictum  fuisse  a  Zvinglio,  facilis  huius  obiecti  dilutio  est:  tantum  de  carnali  praesentia  certasse,  quam  oppugnare  nobis  quoque  ad  extremum  usque  spiritum  decretum  est.  Nec  vero  me  terrebit  futile  Westphali  convicium,  ut  veritatis  patrocinium  deseram,  dum  os  Zvinglii  blasphemum  increpat,  quia  commentum  vocaverit  substantialem  [pag.  l  l  l  ]  panis  et  carnis  unionem:  nempe  rectius  nec  minus  vere  delirium  vocasset.  Quae  enim  a  filio,  qui  est  in  sinu  patris,  revelata  est  manducatio,  eam  nos  sancte  et  reverenter  colimus,  licet  fides  nostra  a  scythica  Westphali  barbarie2)  abhorreat.  Non  minus  perperam  nos  in  communi  sensu  haerere  fingit.  Ne-  1)  quoi  que  ie  dise,  me  voyla  descouvert  a  tant  de  coups  de  bec  qu'il  me  voudra  donner.  2)  la  barbarie  des  Scythes  mangeans  a  belles  dents  chair  humaine.