8:93  93  CONGREGATION  FAITE  EN  L'EGLISE  DE  GENEVE,  EN  LAQUELLE  A  ESTE  TRAITTEE  LA  MATIERE  DE  L'ELECTION  ETERNELLE  DE  DIEU.  Priere  que  les  Ministres  ont  accoustume  de  faire  au  commencement  de  la  Congregation.  Nous  invoquerons  nostre  bon  Dieu  et  Pere,  le  suppliant  qu'il  luy  plaise  nous  pardonner  toutes  nos  fautes  et  offenses,  et  nous  illuminer  par  son  sainct  Esprit,  pour  avoir  la  vraye  intelligence  de  sa  saincte  Parole,  nous  faisant  la  grace  que  nous  la  puissions  traitter  purement  et  fidelement,  a  la  gloire  de  son  sainct  Nom,  a  l'edification  de  son  Eglise  et  a  nostre  salut.  Ce  que  luy  demandons  au  Nom  de  son  Fils  unique  et  bien-aime,  nostre  Seigneur  Iesus-  Ohrist.  Amen.  Et  premierement  M.  lean  Calvin  a  commence  ainsi  quil  sensuit:  Pourceque  nous  avons  a  recevoir  la  Cene  prochainement,  et  que  nous  ne  pouvons  pas  la  recevoir  comme  nous  devons,  si  non  que  nous  ayons  vraye  unite  [page  2]  de  foy,  qui  nous  conioigne  ensemble,  et  aussi  que  ces  iours  passez  Satan  a  tasche  de  mettre  troubles  et  divisions  entre  nous,  comme  vous  scavez:  nous  avons  regarde  d'un  commun  accord,  qu'il  seroit  bon  et  utile  de  traitter  de  l'election  de  Dieu,  par  laquelle  il  nous  a  choisis  et  eleus,  afin  que  cela  soit  tellement  entendu  des  grans  et  des  petis,  que  nous  en  soyons  en  paix  et  repos  de  nos  consciences.  Or  la  matiere  seroit  longue  a  deduire.  Parquoy  faudra  que  ie  m'estudie  a  briefvete,  tant  qu'il  me  sera  possible,  passant  beaucoup  de  choses  qui  se  pourroyent  dire,  pourceque  le  temps  ne  pourroit  point  porter  que  le  tout  fust  deduit  au  long:  tant  y  a  que  ie  mettray  peine,  (par  la  grace  de  Dieu),  qu'il  y  aura  un  sommaire  ou  l'on  se  pourra  tenir,  et  qu'il  n'y  aura  si  rude  ne  ignorant  qui  se  puisse  excuser  que  la  chose  ne  luy  soit  cognue.  Et  puis