7:93  93  CONTRE  LES  ANABAPTISTES.  94  Refutation.  *)  II  semble  bien  de  premiere  face,2)  qu'il  [page  90]  n'y  ait  rien  de  mal  en  cest  article.  Nous  voyons  le  monde  auiourd'huy  fort  desborde3)  en  iuremens.  Il  n'y  a  nul  bon  cueur  qui  ne  soit  fasche,  de  voir  ainsi  le  nom  de  Dieu  en  mespris.  Cela  faict  que  tout  serment,  quel  qu'il  soit,  est  rendu  odieux.  D'avantage,  il  y  a  quelque  apparence,  qu'en  ces  parolles  de  nostre  Seigneur  Iesus,  qu'ilz  alleguent,  tous  sermens  en  general  sont  defendus.  Voire,  qui  ne  regarderoit  de  pres  au  sens.  Mais  quant  au  premier,  il  est  vray  qu'une  telle  dissolution  et  licence  tant  enorme  et  desprisee,  qui  est  auiourd'huy  au  monde  en  matiere  de  sermens,  nous  doit  fort  desplaire.  Et  seroit  beaucoup  meilleur,  de  ne  iurer  nullement,  que  de  iurer  ainsi  legierement  a  tout  propos,  ou  plustost  sans  propos.  Toutesfoys  nous  avons  a  noter,  que  le  moyen  de  reprendre  et  corriger  un  abus,  n'est  pas  de  le  mesler  et  confondre  avec  le  bon  usage,  pour  condamner  indifferemment  l'un  et  l'autre  ensemble.  Il  y  a  auiourd'huy  une  pompe  et  superfluite  fort  excessive  entre  plusieurs  au  boire  et  au  manger:  principallement  en  leurs  banquetz.  L'yvrongnerie,  qui  est  un  vice  fort  deshonneste  et  villain,  regne  a  present  en  beaucoup  de  gens.  Si  pour  reprendre  ces  abus  quelcun  condamnoit  totalement  l'usage  du  vin,  et  de  toutes  [page  91]  bonnes  viandes:  ne  seroit-ce  pas  blasphemer  Dieu  d'ainsi  vituperer  et  reprouver  les  bonnes  creatures  qu'il  a  destinees  a  nostre  usage?  Autant  ou  plus  en  est-il  du  serment.  Le  Seigneur  l'a  ordonne  pour  confermer  et  ratifier  la  verite  quand  il  en  est  besoing.  Une  telle  facon  de  iurer  revient  a  son  honneur  doublement.  C'est  que  par  ce  moyen  la  charite  s'entretient  entre  les  hommes,  et  la  verite,  qu'il  a  en  singuliere  recommandation,  est  maintenue:  et  entant  qu'on  Tallegue  pour  seul  tesmoing  de  la  verite,  on  luy  rend,  en  ce  faisant,  une  des  principales  louanges  qu'il  requiert.  Et  de  faict,  il  denote  en  la  loy,  que  le  serment  vray  et  legitime  est  une  espece  de  l'honneur  qui  luy  est  faict  par  son  peuple  (Deut.  6,  13;  10,  20).  Car  tout  ainsi  qu'il  commande  qu'on  l'adore  et  qu'on  Pinvoque  luy  seul:  aussi  il  commande  qu'on  iure  par  son  nom.4)  Et  les  Prophetes  crians  contre  l'idolatrie,  font  souvent  mention  qu'on  a  iure  par  les  dieux  estranges:  comme  au  contraire,  en  voulant  signifier  que  le  service  de  Dieu  sera  remis  en  son  entier,  ilz  disent  1)  La  rubrique  manque  encore  dans  les  editions  de  1544  et  1545.  2)  de  prime  face  1566  suiv.  3)  fort  manque  1611  (effraenem  et  dissolutum).  4)  Le  traducteur  ajoute:  tantummodo.