58:93  93  DE  IACOB  ET  ESAU.  94  ceste  diversite  qui  est  mise  entre  Araham  et  Isaac,  est  pour  monstrer  que  les  fideles  ne  seront  pas  tousiours  traitez  de  Dieu  egalement,  pour  ceste  raison  que  i'ay  alleguee.  Isaac  a  este  successeur  d'Abraham,  il  a  la  promesse:  et  en  ce  qu'il  a  desia  este  approuve  et  examine  par  diverses  afflictions,  on  void  que  Dieu  l'a  fait  passer  par  un  mesme  chemin  :  mais  cependant  (comme  i'ay  desia  dit)  il  ne  s'ensuit  pas  qu'il  y  ait  une  regle  pareille  et  du  tout  egale.  Car  nostre  Seigneur  supporte  ceux  qu'il  veut,  et  quand  il  permet  que  les  hommes  soient  plus  durement  traitez,  quant  et  quant  aussi  il  les  fortifie.  Abraham  n'a  pas  laisse  de  retourner  au  pais  de  Chanaan,  apres  avoir  habite  en  Egypte:  mais  Dieu  aussi  l'a  retire  d'Egypte,  comme  s'il  lui  eust  tendu  la  main:  car  il  y  pouvoit  croupir,  se  voiant  la  riche:  mais  il  pouvoit  estre  hay  des  habitans,  et  pourtant  Dieu  le  ramene:  il  en  pouvoit  bien  faire  autant  a  Isaac,  mais  nous  ne  lui  devons  point  imposer  Loy.  Si  quelcun  repliquoit  ici,  Dieu  ne  pouvoit  il  pas  bien  donner  a  Isaac  une  constance  invincible,  pour  ne  se  point  la  endormir?  Et  puis  ne  le  pouvoit-il  faire  retourner?  Ouy  bien:  mais  le  pouvons-nous  obliger  a  cela?  Il  faut  qu'il  nous  gouverne  selon  sa  sagesse  infinie,  et  non  pas  selon  nos  foles  resveries  et  intentions.  Notons  bien  donc,  quand  il  y  a  une  telle  diversite  aux  tentations  des  fideles:  c'est  d'autant  que  Dieu  sait  ce  que  chacun  pourra  porter.  Et  revenons  tousiours  a  ceste  sentence  de  saint  Paul,  Que  nous  esperions  en  lui,  s'il  nous  examine,  s'il  nous  met  au  combat,  qu'il  nous  dresse  des  fascheries,  que  cependant  il  provoyra  a  ce  que  nous  ne  soions  point  du  tout  opprimez  ne  vaincus.  Voila  pourquoy  il  a  defendu  a  Isaac  d'aller  en  Egypte.  Or  il  lui  est  dit,  Qu'il  habite  au  pays  de  Chanaan,  et  que  Dieu  sera  tousiours  avec  luy,  et  qu'il  accomplir  a  le  serment  qu'il  avoit  iure  a  son  pere  Abraham  :  C'est  de  multiplier  sa  semence  comme  les  estoilles  du  ciel,  et  qu'en  sa  semence  toutes  nations  de  la  terre  seront  benites.  Yci  nous  voions  pourquoy  Dieu  n'a  point  permis  a  Isaac  d'aller  en  Egypte:  c'est  de  peur  qu'il  n'oubliast  la  promesse  qui  lui  avoit  este  donnee  de  la  terre  de  Chanaan,  et  aussi  qu'il  s'en  contentast,  et  s'arrestast  la  du  tout.  Or  si  Isaac,  lequel  a  este  excellent  en  foy,  comme  nous  le  voions  par  toute  sa  vie,  et  que  le  sainct  Esprit  lui  en  rend  tesmoignage,  a  eu  besoin  neantmoins  d'estre  ainsi  bride,  que  sera-ce  de  nous?  Ainsi,  il  ne  se  faut  point  esbahir,  si  nostre  Seigneur  quelquefois  nous  tient  la  comme  enserrez,  et  qu'il  ne  nous  permette  point  licence  de  vaguer  ca  et  la:  car  il  sait  que  ce  seroit  pour  nous  mettre  en  confusion  tous  les  coups.  Ainsi,  d'autant  que  nous  avons  la