51:93  93  SUR  L'EPITRE  AUX  GALATES.  94  practiques  meschantes,  ou  de  maquerelages,  ou  de  choses  semblables.  Pourquoy?  Afin  de  manger  et  friander,  ou  a  fin  d'yvrongner:  et  les  autres  a  larrecins  et  pillages,  iusques  a  de  veoir  brigans.  Voila  donc  ou  les  cupiditez  menent  les  hommes:  car  ils  se  proposent  de  faire  moisson,  c'est  a  dire  d'avoir  ce  qu'ils  appetent,  encores  que  ce  soit  a  leur  confusion  et  ruine.  Mais  quoy  qu'il  en  soit,  si  on  regarde  pourquoy  les  hommes  s'addonnent  a  ceci  ou  a  cela,  ou  trouvera  qu'il  y  a  tousiours  esperance  de  moissonner.  Ainsi  ce  qu'ils  font  c'est  autant  que  des  semailles,  pour  ce  qu'ils  travaillent  en  esperance  de  recueillir.  Ici  sainct  Paul  dit  que  selon  que  nous  aurons  seme,  nous  moissonnerons.  Et  puis  il  se  declare  en  disant  que  les  uns  sement  a  l'Esprit  et  les  autres  a  la  chair.  Or  semer  a  l'Esprit  c'est  de  se  retirer  du  monde  et  de  ceste  vie  transitoire,  et  cognoistre  que  nous  sommes  creez  non  point  pour  nous  arrester  ici  bas:  mais  pour  passer  outre  iusques  a  ce  que  nous  soyons  parvenus  a  nostre  heritage.  Que  nostre  vie  n'est  pas  pour  estre  ici  sinon  quelque  peu  de  temps,  et  pour  y  estre  pourmenez  (ainsi  qu'il  est  dit  au  Pseaume  qui  a  este  chante,  et  se  chantera  encores),  que  nous  ne  sommes  point  ici  pour  y  habiter  a  iamais,  et  comme  si  nous  y  avions  un  logis  permanent:  mais  Dieu  nous  y  pourmeine,  et  nous  y  fait  faire  seulement  quelque  vire-volte:  et  puis  comme  aussi  Moyse  en  parle  en  ce  cantique,  Venez  (dit-ii),  retournez  en  poudre.  Puis  qu'ainsi  est  donc,  quand  nous  serons  bien  advisez  pour  renoncer  a  tous  nos  appetis,  alors  nous  semerons  a  l'Esprit,  d'autant  qu'ils  ne  se  fourrent  point  en  solicitudes  mondaines  pour  estre  la  attachez:  mais  qu'ils  cognoissent  que  Dieu  les  appelle  plus  haut,  et  s'y  preparent  et  s'efforcent  d'y  parvenir.  Les  autres  sement  a  la  chair:  c'est  a  dire  ils  sont  tellement  preoccupez  d'une  affection  brutale,  qu'il  leur  semble  qu'ils  n'ont  rien  que  de  ceste  vie  presente.  Et  de  faict  si  on  regarde  a  quel  but  tendent  les  hommes,  on  trouvera  que  le  monde  les  retient  quasi  tous.  De  mille  a  grand'peine  en  trouveraon  un  qui  passe  outre,  cognoissant  que  ce  n'est  qu'une  figure  de  ce  monde  qui  s'esvanouist,  et  qui  s'addonne  a  bon  escient  et  en  verite  a  la  vie  celeste.  Tous  donc  quasi  sement  a  la  chair.  Il  est  vray  que  leurs  regards  sont  aucunement  differens,  pour  ce  que  l'un  sera  paillard,  l'autre  yyrongne,  l'autre  chiche  et  taquin,  l'autre  prodigue.  Si  donc  on  regarde  les  complexions  des  hommes,  elles  sont  diverses  et  quasi  repugnantes,  que  l'un  hait  l'autre.  Et  pourquoy?  d'autant  qu'il  n'est  pas  de  mon  naturel,  celuy-la  ne  m'est  point  propre:  mais  quoy  qu'il  en  soit,  quand  un  fera  un  examen,  on  trouvera  que  tous  sement  a  la  chair.  Il  y  a  donc  beaucoup  d'especes  de  semer  :  mais  cependant