35:93  93  IOB  CHAP.  XXXIII.  94  sa  bonte  l'induit  a  cela.  C'est  donc  un  Item  que  nous  devons  bien  noter,  afin  que  quand  nous  venons  a  Dieu  pour  obtenir  pardon,  nous  ne  cuidions  point  l'appaiser  par  nos  merites,  ni  estre  en  partie  cause  de  la  remission  de  nos  pechez,  mais  regardions  ce  qui  nous  est  ici  dit,  c'est  assavoir,  Quand  Dieu  aura  pitie  de  nous,  qu'alors  il  nous  recevra  a  merci  quant  et  quant.  Et  ainsi  Eliu  nous  veut  ici  advertir,  que  Dieu  ne  nous  fait  pas  tousiours  sentir  ceste  bonte-la:  voire  combien  qu'il  nous  porte  amour,  et  qu'il  vueille  prouvoir  a  ce  qu'il  cognoist  nous  estre  utile,  si  est-ce  que  nous  n'en  aurons  point  tousiours  l'apprehension,  mais  tout  cela  nous  est  cache.  Comme  quand  Dieu  nous  afflige,  il  est  dit,  qu'il  nous  tourne  le  dos,  ou  bien  qu'il  ne  nous  daigne  pas  regarder,  ou  bien  que  son  visage  nous  est  obscur,  et  que  nous  ne  le  pouvons  pas  contempler.  Notons  bien  donc  que  les  fideles  par  fois  seront  esperdus,  et  qu'ils  eercheront  Dieu  sans  le  pouvoir  trouver:  non  pas  qu'il  les  ait  mis  en  oublj,  non  pas  qu'il  les  ait  reiettez,  mais  d'autant  qu'il  ne  veut  pas  pour  lors  leur  faire  sentir  son  amour.  Voila  pourquoi  notamment  Eliu  dit,  Que  Dieu  nous  est  pitoyable  quand  il  nous  envoye  tesmoignage  par  sa  parole  de  la  remission  de  nos  pechez:  non  pas  qu'il  ne  l'ait  este  auparavant,  mais  d'autant  que  nous  en  avons  alors  certaine  experience,  et  entrons  comme  en  possession  de  sa  bonte  qui  nous  estoit  pour  un  temps  incognue.  Or  il  y  a  pour  le  second,  que  l'office  de  ceux  qui  preschent  l'Evangile  est  de  pardonner  les  pechez.  Et  c'est  un  article  memorable,  d'autant  que  sans  cela  nous  sommes  perdus  et  desesperez:  il  n'y  a  autre  moyen  pour  nous  donner  esperance  de  salut,  sinon  que  nos  pechez  nous  soyent  pardonnez  devant  Dieu,  et  que  nous  soyons  absous:  car  c'est  aussi  (comme  il  a  este  dit)  la  droiture  par  laquelle  nous  lui  sommes  aggreabies.  Cependant  que  nos  pechez  nous  sont  imputez,  il  faut  que  Dieu  nous  haysse.  Et  qu'est-ce  que  l'ire  de  Dieu  sur  nous,  sinon  un  abysme  de  toute  malediction?  Au  reste  quand  nous  sommes  reconciliez  avec  lui,  la  porte  de  paradis  nous  est  ouverte,  il  nous  recognoist  pour  ses  enfans,  l'heritage  celeste  nous  est  tout  appreste.  Et  comment  cela  se  peut  il  obtenir?  C'est  que  nous  ayons  des  bons  docteurs  et  fideles  qui  nous  annoncent  l'Evangile:  car  voila  a  quoy  Dieu  pretend,  assavoir  de  s'appointer  envers  nous  comme  S.  Paul  ie  declare,  quand  il  exprime  quel  est  le  propre  de  l'Evangile,  assavoir  d'estre  une  ambassade  d'appointement  de  Dieu  avec  les  hommes:  c'est  que  Iesus  Christ  qui  ne  savoit  que  c'est  de  peche,  qui  estoit  l'agneau  sans  macule,  s'est  assuietti  a  la  malediction  de  nos  pechez,  afin  que  nous  soyons  trouvez  iustice  de  Dieu  en  luy:  c'est  a,  dire  qu'apres  nous  estre  plongez  en  son  sang,  et  venus