21:93  93  PAR  NICOLAS  COLLADON.  9&  charge  de  luy  respondre  pour  la  deuxieme  fois:  dont  aussi  ie  m'acquitteray,  avec  la  grace  de  nostre  Dieu.A  u  reste,  Calvin  la  mesme  annee  composa,  par  maniere  de  passe-temps,  le  petit  livret  intitule:  Congratulation  a  venerable  Prestre  Messire  Gabriel  de  Saconnay,  Precenteur  de  l'Eglise  de  Lion,  touchant  la  belle  Preface  et  mignonne,  dont  il  a  rempare  le  livre  du  Roy  d'Angleterre.  C'est  le  livre  qui  trente  ans  auparavant  avoit  este  fait  sous  le  nom  du  Roy  d'Angleterre,  Henri  huictieme,  contre  Luther  :  lequel  ce  vaillant  prestre  fit  reimprimer  a  Lion  avec  sa  Preface.  Ie  croy  qu'il  s'en  est  mors  la  langue:  car  Calvin  en  sa  Congratulation,  luy  gratta  bien  sa  rongne.  L'an  1562,  oyant  et  comme  voyant  les  troubles  qui  estoyent  par  toute  la  France,  c'est  une  chose  incroyable  combien  grande  et  continuelle  compassion  il  avoit  de  la  desolation  des  Eglises  et  des  horribles  massacres  faits  contre  les  povres  fideles,  et  comment  ii  estoit  en  grande  solicitude  que  tous  moyens  licites  fussent  employez  pour  les  garentir  de  la  violence  extreme  de  ennemis  de  Dieu,  et  les  remettre  en  quelque  tranquilite,  a  l'honneur  de  Dieu  et  soulagement  de  tout  le  Royaume.  Et  de  fait,  outre  ses  prieres  particulieres  et  qu'il  faisoit  en  son  prive  *)  en  ses  sermons  il  n'oublioit  d'exhorter  le  peuple  a  prier  Dieu  pour  les  grandes  necessitez  desdites  Eglises  de  France  :  et  par  son  conseil  les  Syndiques  [g  3]  et  Seigneurs  de  la  ville  firent  crier  a  son  de  trompe,  que  chacun  eust  a  s'humilier  devant  Dieu,  frequenter  mieux  les  sermons,  nommement  les  iours  de  Dimanche  et  de  Mecredi,  pour  requerir  Dieu  tant  plus  affectueusement  pour  tous  les  freres  fideles  espars  par  le  Royaume  de  France,  et  mesmes  pour  la  prosperite  de  tout  Pestat  desdits  pays.  Environ  ce  temps-la  un  Seigneur  de  renom  au  pays  de  France,2)  et  sa  femme  ayans  prins  leur  chemin  par  l'Allemagne  pour  aller  a  Lion  et  en  Languedoc,  a  cause  des  guerres  et  troubles  passerent  par  ici,  le  virent  et  parleront  a  luy:  ce  ne  fut  pas  sans  ouir  de  luy  bonne  instruction.  Ceste  anneela  ayant  acheve  en  ses  lecons  le  Prophete  Ieremie  le  9.  de  Septembre,  il  commenca  les  Lamentations  dudit  Prophete  le  20.  du  mesme  mois.  Et  sur  ce  propos  discourant  familierement  avec  les  autres  Ministres,  il  pourroit  sembler,  disoit-il,  que  ce  seroit  un  mauvais  presage  pour  les  affaires  des  Eglises  ,  de  ce  qu'il  me  faut  lire  les  Lamentations  :  mais  le  tout  est  en  la  main  de  Dieu.  Au  mois  de  Novembre,  on  commenca  a  exposer  en  la  Congregation  l'Epistre  aux  Galates.  Au  mois  de  Decembre  1)  a  part  soy  F.  2)  de  consideration  en  France  F.