11:93  1540  OCTOB.  actione  explicabunt.  Vale  optime  et  integerrime  frater.  Saluta  omnes  amicissime,  Corderium,  Thomam,  Fatonum,  Clericum  et  reliquos.  Omnes  nostri  tibi  et  illis  bene  precantur.  Argentor.  21.  Octobr.  1540.  7)  Calvinus  tuus.  244.  VIRETUS  CALVINO.  Etiam  hic  Calvino  autor  est  ut  redeat.  (Ex  autographo  Bibi.  Genev.  Cod.  Illa,  fol.  53  Apographa  exstant  ibid.  Cod.  109,  fol.  5,  tum  in  Arch.  Bernensibus  Epp  T.  VII.  p.  394,  et  inde  apud  Simlerum  Vol.  48.)  Doctissimo  ac  vere  pio  Io.  Calvino  fratri  et  amico  singulari.  Argentinae.  S.  Sic  novi  animum  tuum  ut  non  valde  necesse  esse  putem  meis  te  literis  hortari  ac  impellere,  id  ut  facias  quod  pii  omnes  non  cupiunt  solum  sed  votis  ardentissimas  exagitant,  tibi  ut  persuaderi  sinas,  si  modo  restitui  optes  pristino  statui,  et  aliquando  florentem  ac  incolumem  videre  miseram  illam  ecclesiam  adeo  collapsam,  laceram  et  dissipatam,  ut  nemo  sit  bonus  quem  non  angat  incredibiliter,  in  luctu  atque  moerore  detineat  tanta  calamitas.  Adeo  immutata  urbis  facies,  ruina  tam  desperabilis,  nisi  tuos  supposuerim  humeros.  Nam  nullum  potuimus  consilium  remediurnque  praesentius  excogitare,  neque  nobis  via  ulla  alia  patet  commodior,  et  quae  plus  faciat  spei  viris  probis,  qui  aliquo  suo  studio  veteres  ruinas  conantur  erigere  et  ecclesiis  consulere.  Sed  quid  mei  oblitus  instituti  huc  delapsus  sum,  id  agens  quod  me  principio  facturum  negaveram,  quasi  te,  quem  res  tanta,  tam  lugubris  et  funesta,  non  permoveat,  mea  oratio  accendat?  quem  non  paternus  trahat  affectus,  mea  loquacitas  impellat?  Idcirco  tecum  verbosius  agere  non  statui,  aut  de  statu  rerum  nostrarum  prolixiorem  texere  Uiada,  nihil  addubitans  quin  facile  vim  tuis  facias  affectibus,  te  vinci  patiaris,  obsequaris  piis  fratrum  consiliis,  ut  tuos  revisas  filios  quos  Christo  Domino  genuisti  fovistique,  nihil  moratus  quorundam  ingratitudinem,  improbitatem  barbariemque  plus  quam  scythicam.  Age  igitur,  carishime  frater,  da  operam  ut  brevi  meum  expleas  desiderium  quo  flagro  tui  videndi,  et  tuo  adventu  in  squalore,  luctu  et  moerore  iacentem  ecclesiam  erigas,  cxhilares,  recrees  et  reiicias.  Saluta,  obsecro,  fratres  omnes,  praecipue  7)  non  27.  Oct.  ut  habet  Bonnet