10.1:93  ORDONNANCES.  a  demonstre  et  institue  par  sa  parole,  fust  reduict  en  bonne  forme,  pour  [page  4]  avoir  lieu  et  estre  observe  entre  nous.  Et  ainsi  avons  ordonne  et  estably  de  suivre  et  garder  en  nostre  ville  et  territoire,  la  police  Ecclesiastique  qui  s'ensuit:  comme  nous  voyons  qu'elle  est  prinse  de  l'Evangile  de  Iesus  Christ.  Premierement  il  y  a  quatre  ordres  ou  especes  d'offices,  que  nostre  Seigneur  a  institue  pour  le  gouvernement  de  son  Eglise:  assavoir  les  Pasteurs,  puis  les  Docteurs,  apres  les  Anciens,  quartement  les  Diacres.  Pourtant  si  nous  voulons  avoir  l'Eglise  bien  ordonnee  et  l'entretenir  en  son  entier,  il  nous  faut  observer  ceste  forme  de  regime.  Quant  est  des  Pasteurs,  que  l'Escriture  nomme  aussi  aucunesfois  Surveillans,  Anciens  et  Ministres:  leur  office  est  d'annoncer  la  parole  de  Dieu  pour  endoctriner,  admonester,  exhorter  et  reprendre  tant  en  public  qu'en  particulier,  administrer  les  Sacremens,  et  faire  les  corrections  fraternelles  avec  les  Anciens  ou  commis.  Or  afin  que  rien  ne  se  face  confusement  en  l'Eglise,  nul  ne  se  doit  ingerer  en  cest  office  sans  vocation:  en  laquelle  il  faut  considerer  trois  choses,  assavoir  l'Examen  qui  est  le  principal:  apres,  a  qui  il  appartient  d'instituer  les  Ministres:  tiercement,  quelle  ceremonie  ou  facon  d'agir  il  est  bon  de  garder  a  les  introduire  en  l'office.  [page  5J  L'examen  contient  deux  parties,  dont  la  premiere  est  touchant  la  doctrine:  assavoir  si  celui  qu'on  doit  ordonner,  a  bonne  et  saincte  cognoissance  de  l'Escriture,  et  puis  s'il  est  idoine  et  propre  pour  la  communiquer  au  peuple  en  edification.  Aussi  pour  eviter  tous  dangers  que  celui  qu'on  veut  recevoir  n'ait  quelque  mauvaise  opinion,  il  est  requis  qu'il  proteste  de  tenir  la  doctrine  approuvee  en  l'Eglise,  sur  tout  selon  le  contenu  du  Catechisme.  Pour  cognoistre  s'il  est  propre  a  enseigner,  il  faudra  proceder  par  interrogations,  et  par  l'ouir  traitter  en  prive  la  doctrine  du  Seigneur.  La  seconde  partie  est  de  la  vie:  assavoir  s'il  est  de  bonnes  moeurs,  et  s'il  s'est  tousiours  gouverne  sans  reproche.  La  reigle  d'y  proceder  est  tresbien  demonstree  par  sainct  Paul,  laquelle  il  nous  convient  tous  observer.