46:929  929  DE  LA  PASSION.  930  ceul  net,  60.  Et  le  mit  en  son  monument  neuf  qu'il  avoit  taille  en  un  roc:  et  ayant  roule  une  grande  pierre  a  Vhuis  du  monument,  U  s'en  alla.  Nous  avons  veu  ci  dessus  comme  nostre  Seigneur  Iesus  a  declare  le  fruit  et  la  vertu  de  sa  mort  en  ce  povre  brigand,  qui  sembloit  bien  estre  comme  une  ame  damnee  et  perdue.  Or  si  tous  ceux  qui  avoyent  auparavant  este  enseignez  en  l'Evangile,  et  en  avoyent  eu  quelque  goust,  se  fussent  alienez  voyant  le  Fils  de  Dieu  mourir,  il  sembleroit  que  la  predication  de  l'Evangile  eust  este  vaine  et  inutile.  Et  au  reste  nous  scavons  que  les  Apostres  avoyent  este  eleus  a  ceste  condition  d'estre  comme  les  premices  de  l'Eglise.  On  eust  donc  peu  penser  que  c'avoit  este  chose  frustratoire  de  ceste  election,  et  de  ce  qu'ils  avoyent  este  choisis  a  tel  office  et  estat.  Pour  ceste  cause  il  nous  est  yci  declare  que,  combien  que  les  Apostres  s'en  fussent  fuis,  et  en  cela  eussent  monstre  une  laschete  vileine,  que  S.  Pierre  mesme  eust  renonce  nostre  Seigneur  Iesus,  et  se  fust  comme  retranche  de  toute  esperance  de  salut,  voire  estant  digne  d'estre  repute  comme  un  membre  pourri,  si  est-ce  qu'encores  Dieu  n'a  pas  permis  que  la  doctrine  qu'ils  avoyent  receue  auparavant  fust  esteinte  et  abolie  du  tout.  Vray  est  que  S.  Matthieu  fait  foy  de  la  constance  des  femmes  plustost  que  des  hommes:  et  c'est  afin  que  nous  apprenions  de  magnifier  tant  plus  la  bonte  de  Dieu,  qui  fait  valoir  sa  vertu  en  nostre  infirmite.  C'est  aussi  ce  que  dit  S.  Paul,  que  Dieu  a  choisi  les  choses  foibles  de  ce  monde,  afin  que  ceux  qiii  cuident  estre  robustes  haissent  la  teste  et  ne  se  glorifient  point.  S'il  estoit  donc  yci  parle  des  hommes  et  de  leur  magnanimite,  et  qu'ils  eussent  suyvi  nostre  Seigneur  Iesus  Christ  av  la  mort,  on  prendroit  cela  comme  une  chose  naturelle.  Mais  quand  les  femmes  sont  conduites  par  l'Esprit  de  Dieu,  et  qu'il  y  a  en  elles  plus  de  hardiesse  qu'aux  hommes,  voire  en  ceux  qui  avoyent*  este  eleus  pour  publier  l'Evangile  par  tout  le  monde,  en  cela  cognoissons  nous  que  Dieu  a  besongne  et  que  c'est  a  luy  que  la  louange  doit  estre  attribuee.  Or  notamment  il  est  dit  que  ces  femmes  avoyent  suyvi  nostre  Seigneur  Iesus,  luy  faisant  service.  Ce  qui  est  pour  mieux  declarer  l'affection  qu'elles  avoyent  de  profiter  en  l'Evangile.  Car  ce  n'estoit  pas  une  petite  vertu  qu'elles  quitassent  leurs  maisons  pour  tracasser  ca  et  la,  voire  avec  grand  travail  et  mesmes  avec  ignominie.  Car  nous  scavons  quelle  a  este  la  condition  de  nostre  Seigneur  Iesus  Christ  cependant  qu'il  a  converse  au  monde.  Il  dit  que  les  renars  auront  des  cavernes,  et  les  petis  oiselets  trouveront  a  faire  leurs  nids,  et  que  luy  n'ha  point  pour  reposer  son  chef.  Nous  voyons  d'autre  part  que  ces  femmes  avoyent  de  quoy  se  Calvini  opera.  Vol.  XLVI.