46:928  Iesus  Christ  estoit  la  pendu  en  la  croix,  si  est-ce  que  desia  Dieu  a  voulu  qu'alors  par  la  bouche  de  Pilate  il  fust  declare  Roy.  Et  ainsi,  combien  que  le  Royaume  de  nostre  Seigneur  Iesus  Christ  soit  vilipende  devant  le  monde,  que  nous  ne  laissions  pas  toutesfois  de  le  tenir  pour  fondement  de  toute  nostre  gloire,  et  que  nous  scachions  qu'estans  en  opprobre  sous  sa  conduite,  nous  avons  neantmoins  de  quoy  nous  esiouir:  d'autant  que  nostre  condition  sera  tousiours  bien-heureuse,  pource  que  toutes  les  miseres,  afflictions  et  ignominies  que  nous  endurons  sont  plus  honorables  et  precieuses  devant  Dieu,  que  ne  sont  pas  tous  les  sceptres,  toutes  les  pompes  et  choses  honorables,  ou  les  hommes  sont  addonnez.  Voyla  donc  comment  il  nous  faut  venir  a  nostre  Seigneur  Iesus  Christ,  et  nous  tenir  tellement  a  luy  que  nous  cognoissions  que  vallent  les  richesses  qu'il  nous  apporte,  et  surtout  quand  il  nous  conduit  par  son  Evangile,  que  nous  reiettions  toutes  les  commoditez  et  les  aises  de  ce  monde:  mesmes  que  nous  les  ayons  en  detestation  quand  elles  nous  destourneront  du  bon  chemin.  Brief,  que  nostre  Seigneur  Iesus  obtiene  l'honneur  qu'il  merite,  et  que  de  nostre  coste  aussi  nous  ne  soyons  pas  comme  des  roseaux  branslans  a  tous  vents,  mais  qu'estans  fondez  en  luy  nous  invoquions  Dieu,  et  qu'en  la  vie  et  en  la  mort  la  victoire  nous  soit  donnee  de  laquelle  il  a  desia  triomphe.  Et  qu'estans  encores  yci  bas  en  nous  luy  rendions  cest  honneur-la,  c'est  ascavoir  de  cognoistre  que  c'est  a  luy  de  nous  maintenir.  Ce  qu'il  fera  quand  nous  aurons  vrayement  nostre  refuge  a  luy:  il  le  fera,  di-ie,  non  pas  d'une  facon  commune,  mais  miraculeusement.  Car  quand  nous  serions  abysmez  au  plus  profond  de  la  mort,  c'est  son  office  de  nous  en  retirer,  et  nous  conduire  iusques  a  l'heritage  celeste  lequel  il  nous  a  si  cherement  acquis.  Or  nous-nous  prosternerons  devant  la  maieste  de  nostre  bon  Dieu,  etc.  HUITIEME  SERMON.  MATTH.  Ch.  XXVII.  55.  Et  la  estoyent  plusieurs  femmes  regardans  de  loin,  lesquelles  avoyent  suyvi  Iesus  depuis  Galilee,  en  luy  servant:  56.  Entre  lesquelles  estoit  Marie  Magdalene,  et  Marie  mere  de  laques  et  de  Ioses,  et  la  mere  des  fils  de  Zebedee.  57.  Et  quand  le  soir  fut  venu,  il  veint  un  riche  homme  d'Arimathee  nomme  Ioseph  j  qui  avoit  este  aussi  disciple  de  Iesus.  58.  Iceluy  veint  a  Pilate,  et  demanda  le  corps  de  Iesus.  Lors  Pilate  commanda  que  le  corps  fust  rendu.  59.  Et  Ioseph  print  le  corps  et  Venveloppa  d'un  lin-