46:927  927  SERMONS  928  faire,  declarans  que  puis  qu'il  nous  a  este  donne  Pasteur  de  Dieu  son  Pere,  il  ne  faut  pas  que  nous  facions  doute  d'estre  paisibles  *et  en  la  vie  et  en  la  mort,  scachans  que  tout  nous  sera  a  proufit,  et  nous  sera  converti  en  avantage:  comme  S.  Paul  dit  qu'ayant  Iesus  Christ  il  trouvera  gain  par  tout,  qu'il  ne  luy  chaut  plus  ni  de  la  vie  ni  de  la  mort,  car  tout  luy  sera  utile.  Ainsi  donc  apprenons  maintenant,  quand  nous  serons  assiegez  de  la  mort,  que  Iesus  Christ  a  rompu  l'aiguillon  qui  nous  pouvoit  poindre  mortellement  iusques  au  coeur,  et  que  la  mort  ne  nous  sera  plus  nuisible,  et  que  quand  nostre  Seigneur  Iesus  a  rendu  son  ame  a  Dieu  son  Pere,  ce  n'a  pas  seulement  este  pour  estre  conserve  en  sa  personne,  mais  afin  d'acquerir  ce  privilege  que  les  nostres  soyent  quant  et  quant  conservez  en  vertu  de  ceste  requeste:  voire  quand  nous  aurons  nostre  recours  a  luy,  comme  a  celuy  sous  la  protection  duquel  nous  ne  pouvons  perir,  ainsi  qu'il  le  declare.  Et  voyla  encores  ce  triomphe  dont  nous  avons  fait  mention,  lequel  desia  nous  proufite.  Car  nostre  Seigneur  Iesus  monstre  comme  sa  mort  est  precieuse,  quand  il  s'en  va  ainsi  franchement  a  Dieu  son  Pere  pour  nous  y  conduire  et  nous  y  monstrer  le  chemin.  Mais  le  principal  est  que  nous  scachions  que  le  fruit  nous  en  revient,  d'autant  qu'il  a  deschire  l'obligation  qui  nous  estoit  contraire,  qu'il  nous  a  acquis  plene  satisfaction  de  nos  pechez,  tellement  que  nous  pouvons  nous  presenter  devant  Dieu  son  Pere,  en  sorte  que  la  mort  mesmes  n'est  plus  pour  nous  faire  mal  ni  aucune  nuisance.  Et  combien  que  nous  voyons  encore  en  nous  beaucoup  de  choses  qui  sont  pour  nous  faire  estonner,  que  nous  sentions  nos  povretez  et  miseres,  que  toutesfois  nous  ne  laissions  pas  de  nous  glorifier  en  celuy  qui  s'est  ainsi  abbaisse  pour  nous  afin  de  nous  eslever  avec  luy.  Et  de  faict,  combien  que  du  coste  des  hommes  il  n'y  ait  eu  que  toute  ignominie,  cependant  que