46:925  925  DE  LA  PASSION.  Dieu,  il  est  certain  qu'ils  desavouent  ee  qui  a  este  prononce  par  nostre  Seigneur  Iesus  Christ,  Tout  est  accompli.  Et  qu'ainsi  soit,  quand  ils  pensent  obtenir  salut  devant  Dieu,  et  qu'ils  veulent  avoir  remission  de  leurs  pechez,  ou  est-ce  qu'ils  vont,  sinon  a  leurs  devotions  foles?  Car  chacun  fera  son  badinage  a  sa  poste,  tellement  que  toutes  les  devotions  qu'on  appelle  en  la  Papaute,  ce  sont  autant  de  blasphemes  pour  aneantir  ce  qui  a  este  prononce  quand  nostre  Seigneur  Iesus  a  dit  Tout  est  accompli.  Que  faut-il  donc?  que  nous  scachions,  qu'il  n'y  a  point  une  seule  goutte  de  vertu  ni  de  merite  en  nous,  sinon  que  nous-nous  addressions  en  ceste  fontaineia  ou  en  est  toute  la  plenitude.  .Voyla  donc  comme  nostre  foy  doit  estre  arrestee  en  nostre  Seigneur  Iesus  Christ.  Et  au  reste,  que  nous  scachions  sur  tout  quand  il  s'est  offert  en  sacrifice,  que  c'a  este  pour  nous  absoudre  a  iamais,  et  pour  nous  sanctifier  a  perpetuite,  comme  dit  l'Escriture.  Que  donc  nous  n'ayons  autre  sacrifice  que  celuy-la.  Vray  est  qu'en  la  Papaute  ceste  abomination  diabolique  de  messe  est  nommee  Sacrifice  quotidien:  et  disent  que  Iesus  Christ  s'est  bien  une  fois  offert  en  Sacrifice  pour  nous  obtenir  la  remission  de  nos  pechez,  mais  qu'il  faut  que  iournellement  il  soit  encores  offert,  qui  est  un  blaspheme  tout  manifeste,  d'autant  qu'ils  usurpent  l'office  qui  a  este  donne  a  nostre  Seigneur  Iesus  Christ,  quand  il  a  este  ordonne  luy  seul  Sacrificateur  eternel,  voire  avec  serment  que  Dieu  iure  que  cela  doit  estre  a  perpetuite.  Quand  donc  les  nommes  mortels  s'ingerent  de  venir  encores  presenter  a  Dieu  et  offrir  Iesus  Christ,  ne  le  despouillent-ils  pas  de  l'honneur  qu'il  se  reserve  a  luy  seul,  et  qui  ne  peut  estre  attribue  a,  nulle  creature?  Puis  qu'ainsi  est  donc,  nous  voyons  comme  ces  povres  aveugles,  cuidans  faire  appointement  avec  Dieu,  provoquent  son  ire  et  sa  vengence,  renoncans  a  la  mort  et  passion  de  nostre  Seigneur  Iesus  Christ.  Et  d'autant  plus  devons-nous  magnifier  la  grace  de  Dieu  de  ce  qu'il  nous  a  retirez  d'un  tel  abysme,  que  quand  nous  avons  cuide  approcher  de  luy,  c'a  este  pour  le  despiter  manifestement:  car  on  se  prive  de  luy  et  du  fruit  de  sa  mort  et  passion  quand  on  cherche  autre  sacrifice  que  celuy  qu'il  a  offert  en  sa  personne.  Voyla  donc  ce  que  nous  avons  a  retenir.  Or  il  est  dit  que  derechef  il  s'est  escrie  a  haute  VQIX  et  a  rendu  V  esprit:  et  ce  crie  a  este  Ie  remets  mon  ame  ou  mon  Esprit  en  tes  mains.  Et  en  cela  voyons-nous  comme  nostre  Seigneur  Iesus  Christ  a  tellement  combatu  contre  les  douleurs  de  la  mort,  que  des  lors  il  en  a  este  vainqueur  et  qu'il  pouvoit  faire  ses  triomphes  comme  ayant  surmonte  ce  qui  estoit  le  plus  difficile.  Et  ceci  nous  appartient,  c'est  a  dire  il  le  nous  faut  applicquer  a  nostre  usage.