46:923  923  SERMONS  924  Car  on  verra  auiourd'huy  les  Papistes  qui  destournent  et  depravent  par  leurs  calomnies  ce  que  nous  enseignons,  c'est  a  dire  ce  qui  est  tire  de  la  pure  verite  de  Dieu,  et  a  leur  escient  ils  blasphement  pour  rendre  nostre  doctrine  odieuse  a  beaucoup  de  povres  idiots,  et  de  gens  lesquels  n'oyent  pas  ce  que  nous  preschons  tous  les  iours.  Ils  depravent  donc  faussement  ce  que  nous  disons  et  le  tirent  tout  au  rebours,  afin  de  donner  couleur  a  leur  mensonge  et  d'y  entretenir  les  povres  ignorans.  Voyla  comme  les  ennemis  de  Dieu,  possedez  de  Satan,  ont  destourne  par  certaine  malice  le  propos  de  nostre  Seigneur  Iesus  Christ,  et  auiourd'huy  entre  les  Papistes  on  voit  le  semblable.  Et  non  seulement  cela  s'appercoit  en  la  Papaute,  mais  encores  entre  nous  ii  y  a  des  belistres  qui  diront  que  nous  voulons  faire  a  croire  que  Iesus  Christ  s'est  desespere  quand  nous  disons  qu'il  a  soustenu  les  angoisses  de  mort,  qu'il  a  este  comme  abysme,  d'autant  qu'il  estoit  la  en  nostre  nom  et  qu'il  soustenoit  le  fardeau  de  nos  pechez.  Mais  cela  n'a  en  rien  derogue  a  la  constance  de  sa  foy,  qu'elle  ne  soit  tousiours  demeuree  en  son  entier.  Et  ces  canaillesci  qui  font  profession  de  l'Evangile,  ne  laissent  pas  toutesfois  de  blasphemer  a  leur  escient:  en  quoy  ils  monstrent  qu'ils  vallent  pis  que  ceux  desquels  il  est  yci  parle.  Voyans  donc  que  le  diable  auiourd'huy  aiguise  les  langues  de  ses  supposts,  et  que  chacun  d'une  impudence  si  brutale  vient  desgorger  son  venin  contre  la  purete  de  doctrine,  ne  trouvons  point  estrange  si  nostre  Seigneur  Iesus  a  este  ainsi  calomnie:  mais  que  nous  portions  patiemment  ces  blasphemes,  prians  Dieu  (comme  il  est  dit  au  Pseaume  douzieme)  qu'il  arrache  ces  vileines  langues  qui  sont  ainsi  plenes  de  vilenie  et  d'execration,  et  qui  ne  tendent  qu'a  blasphemer  son  Nom  et  obscurcir  sa  verite.  Or  la  dessus  l'Evangeliste  recite  qu'il  y  avoit  la  un  vaisseau  plein  de  vinaigre  (voire,  comme  desia  nous  avons  veu,  qui  estoit  mesle  avec  du  fie!)  et  qu'on  a  pris  un  roseau,  ou  bien  (comme  dit  S.  Iehan)  une  hyssope  qui  estoit  pour  avoir  longue  branche,  et  qu'au  bout  il,  ont  attache  une  esponge,  pour  la  mettre  iusques  a  la  bouche  de  nostre  Seigneur  Iesus.  S.  Iehan  parle  yci  plus  distinctement,  car  il  dit  que  Iesus  Christ,  scachant  que  toutes  choses  estoyent  accomplies,  a  dit  qu'il  avoit  soif,  et  la  dessus  ii  a  prononce  derechef,  C'est  fait,  tout  est  accompli.  Voyci  donc  ce  que  nous  avons  yci  a  noter,  quand  ce  bruvage  a  este  donne  au  Fils  de  Dieu:  ascavoir  qu'il  n'a  point  demande  a  boire  comme  ayant  soif,  car  il  l'avoit  refuse,  comme  desia  nous  avons  veu  ci  dessus.  Et  pourquoy?  Car  ce  bruvage-la  se  donnoit  afin  d'abbreger  la  vie.  Or  nostre  Seigneur  Iesus  a  voulu  en  tout  et  par  tout  attendre  l'heure  de  Dieu  son  Pere  en  patience  et