46:920  Nous  voyons  donc  l'Apostre,  qui  specifie  notamment  qu'il  a  falu  que  nostre  Seigneur  Iesus  fust  estonne  de  crainte:  car  sans  cela  nous  ne  scaurions  que  vaut  ce  sacrifice  par  lequel  nous  avons  este  reconciliez.  Et  de  faict  S.  Pierre  aussi  monstre  que  nostre  Seigneur  Iesus  n'a  point  seulement  souffert  en  son  corps,  mais  en  son  ame,  quand  il  dit  qu'il  a  combatu  contre  les  douleurs  de  la  mort.  Vray  est  que  l'Escriture  souvent  dira  que  nous  sommes  rachetez  par  le  sang  de  Iesus  Christ,  d'autant  qu'il  a  offert  son  corps  en  sacrifice:  et  voyla  aussi  pourquoy  il  est  dit  que  sa  chair  nous  est  viande  et  son  sang  nous  est  bruvage  spirituel:  mais  cela  est  dit  au  regard  de  nostre  rudesse.  Pource  que  nous  sommes  grossiers  le  8.  Esprit  nous  renvoye  a  ce  qui  est  visible  en  la  mort  de  Iesus  Christ,  afin  que  la  nous  ayons  un  gage  tout  asseure  de  nostre  salut.  Cependant  ce  n'est  pas  pour  exclure  ce  qui  nous  est  monstre  en  tous  les  autres  passages:  et  mesmes  pour  deroguer  a  cest  article  que  la  mort  et  passion  de  nostre  Seigneur  Iesus  n'eust  de  rien  servi  pour  effacer  les  iniquitez  du  monde,  sinon  d'autant  qu'il  a  obey,  voire  s'abbaissant  iusques  a  la  mort  tant  espovantable:  et  a  obey,  non  point  qu'il  fust  insensible:  mais  combien  qu'il  eust  a  soustenir  des  frayeurs  grandes  et  extremes,  que  toutesfois  il  a  prefere  nostre  salut  a  tout  autre  regard.  Voyla  donc  ce  que  nous  avons  a  observer  en  ce  passage:  C'est  ascavoir  que  le  Fils  de  Dieu  non  seulement  a  endure  en  son  corps  une  mort  tant  cruelle,  mais  qu'il  a  este  touche  au  vif,  ayant  a  soustenir  des  assaux  horribles  comme  si  Dieu  l'eust  abandonne.  Car  de  faict  aussi  il  soustenoit  nostre  cause,  et  faloit  qu'il  sentist  quelle  condamnation  estoit  sur  les  povres  pecheurs.  Or  par  nos  pechez  nous  sommes  comme  alienez  de  Dieu,  et  faut  qu'il  se  retire  de  nous,  et  que  nous  cognoissions  qu'il  nous  a  comme  reiettez.  Voyla  le  propre  des  pecheurs.  Iesus  Christ  n'a  iamais  este  reiette  de  Dieu  son  Pere,  c'est  chose  certaine:  mais  il  a  falu  neantmoins  qu'il  sousteinst  ces  douleurs-  la  et  qu'il  combatist  vaillamment  pour  les  repousser,  afin  qn'auiourd'huy  le  fruit  de  la  victoire  nous  en  reviene.  Ainsi  nous  avons  a  retenir  que,  quand  nostre  Seigneur  Iesus  a  este  mis  en  telle  extremite,  comme  si  Dieu  son  Pere  l'eust  retancho  de  toute  esperance  de  vie,  c'est  d'autant  qu'il  estoit  la  en  nostre  personne,  soustenant  la  malediction  de  nos  pechez,  laquelle  nous  separoit  d'avec  Dieu.  Car  ou  gist  nostre  felicite,  sinon  que  nous  soyons  vivifiez  par  la  grace  de  Dieu,  et  esclairez  de  sa  clarte?  Il  est  la  fontaine  de  vie  et  de  tout  bien  et  nos  pechez  mettent  comme  une  longue  distance  entre  luy  et  nous.  Il  a  donc  falu  que  Iesus  Christ  sentist  cela.  Venons  maintenant  a  ce  qu'on  peut  alleguer.  Est-il  possible  que  Iesus  Christ  ait  eu  de