9:92  quibus  se  Lutherus  et  similes  tanto  studio  contendere  ostendunt,  quia  sacramenta  in  nihilum  redigi  non  sustineant,  [pag.  107]  ut  nihil  a  theatricis  vel  profanis  figuris  differant.  Meis  autem  verbis  quid  iuvatur  Westphalus?  quibus  non  abs  re  praefationem  appinxit,  ut  hoc  quasi  veli  obtentu  fallaciam  suam  tegeret.  Dixeram  Oecolampadium  et  Zvinglium  iustissima  quidem  causa  fuisse  adductos,  imo  coactos  gravi  necessitate,  ut  crassum  errorem,  qui  pridem  inoleverat,  cum  impia  idololatria  coniunctum  refutarent:  sed  dum  ad  hoc  unum  agendum  sunt  intenti,  partem  alteram,  ut  in  concertatione  fieri  solet,  omisisse.  Locum  hunc  suis  carbonibus  Westphalus  denigrat,  ac  si  dixerim  contendisse  ipsos  de  vacuis  symbolis,  nec  cogitasse  veritatem  cum  signis  fuisse  coniunctam.  Haec  ratio  est  cur  veniam  postulet,  si  meo  contra  me  testimonio  utitur.  Quod  de  Luthero  tantopere  urget,  omnibus  qui  substantialem  carnis  Christi  praesentiam  in  coena  negabant  peraeque  hostem  fuisse,  in  medio  relinquo.  Quantum  enim  eius  hominis  praeiudicio  me  gravabit,  quem  norunt  omnes  in  hac  causa  agenda  plus  aequo  excanduisse?  Quanquam  privatim  me  adeo  sibi  esse  hostem  noluit,  ut  meae  sententiae  non  ignarus,  propria  tamen  manu  gravatus  non  sit  reverenter  me  salutare.  *)  Nam  me  Westphali  improbitas  huc  usque  ineptire  cogit,  ut  verbum  quo  ille  usus  est,  referam,  [pag.  108]  Quia  vero  salvum  eius  honorem  cupio,  malam  eius  fidem  a  Westphalo  inconsiderate  traduci  mihi  certe  dolet.  Quum  Marpurgi  dimidia  conciliatio  facta  esset,  ab  eo  conventu  digressum  affirmat  eodem  quo  ante  loco  Oecolampadium  et  Zvinglium  habuisse,  quos  illic  fratrum  loco  sibi  posthac  fore  sancte  pollicitus  fuerat.  Nam  quum  utrinque  interposita  esset  stipulatio,  ut  pacem  ultro  citroque  colerent,  vel  Lutherum  tunc  fuisse  mitigatum  oportet,  vel  non  sincere  pactum  esse  praeter  animi  sententiam,  quod  in  acta  publica  relatum  fuit.  Iam  quasi  meis  testimoniis  Westphalus  adeptus  sit  quod  volebat  (sic  enim  gloriatur)  plures  ex  diversis  Zvinglii  scriptis  locos  recitat:  ex  quibus  demum  colligit,  si  doctrina  nostra  obtineat,  sacram  coenam  exinaniri.  Praefatur  autem  ut  in  ore  duorum  testium  causa  consistat,  eum  se  mihi  addere  socium,  qui  neutiquam  sit  aspernandus.  Quanquam  autem  iusta  nec  difficilis  esset  Zvinglii  defensio,  monendi  tamen  sunt  lectores,  quam  malitiose  in  hanc  arenam  producere  me  tentet.  Publice  ante  1)  Alludit  ad  epistolam  Lutheri  anno  1539  ad  Bucerum  missam  Argentoratum  ubi  tum  temporis  Calvinus  degebat  In  ea  versus  finem  sic  scribit:  Bene  vale  et  salutabis  D.  Io.  Sturmium  et  Io.  Calvinum  reverenter,  quorum  libellos  cum  singulari  voluptate  legi  Vide  Lutheri  epp.  ed.  de  Wette.  V.  211.  Calvini  libellum  quem  commendat  Vir  summus  Epistolam  ad  Sadoletum  fuisse  suspicamur.