7:92  maintiennent  leur  cause:  assavoir,  s'ilz  ont  este  banniz  du  Royaume  de  Dieu,  pour  avoir  eu  la  charge  du  glaive  en  ce  monde.  En  ce  qu'ilz  disent,  que  toutes  les  solicitudes  des  Princes  sont  de  ce  monde,  Esaie  leur  repugne  bien:  promettant  que  les  Roys  terriens  serviront  a  maintenir  le  Royaume  celeste  et  spirituel  de  Iesus  Christ  (Ies.  60,  3).  Sainct  Paul  aussi  en  exhortant  qu'on  face  prieres  pour  tous  ceux  qui  sont  en  estat  do  preeminence,  afin  que  nous  menions  vie  paisible  soubz  eux,  avec  la  crainte  de  Dieu,  et  saincte  vie  (1  Tim.  2,  2).  En  quoy  il  demonstre  que  la  principale  fin  des  Magistratz  n'est  pas  d'entretenir  leurs  subiectz  en  paix  selon  la  chair:  mais  plustost  de  procurer  que  Dieu  soit  servy  et  honore  en  leurs  pais,  et  que  chacun,  mene  bonne  et  honeste  vie.  Nous  voyons  donc  quant  a  ce  poinct,  combien  faulses  et  perverses  sont  les  allegations  des  Anabaptistes,  pour  condamner  la  vocation  des  Magistratz,  que  Dieu  a  si  bien  approuve.  Mesme  nous  voyons  comment  le  Diable  parle  par  leurs  bouches,  afin  de  destourner  les  Princes  et  les  empescher  de  faire  leur  devoir.  Car  au  lieu  qu'on  les  doit  exhorter  a  s'appliquer  et  mettre  peine  que  le  Nom  de  Dieu  soit  exalte,  et  qu'il  regne  par  dessus  eux,  tellement  qu'ilz  ne  soyent  que  ses  vassaux  [page  89]  et  officiers:  ceux  cy  veulent  faire  a  croire  que  cela  ne  leur  attouche  en  rien,  et  qu'ilz  ne  se  doyvent  aucunement  mesler  ny  empescher  de  l'honeur  de  Dieu.  Touchant  de  la  fin  ou  ilz  pretendent  :  ie  n'en  diray  que  deux  motz  :  qu'ilz  l)  se  monstrent  en  cela  ennemis  de  Dieu  et  du  genre  humain.  Car  c'est  faire  la  guerre  a  Dieu  de  vouloir  mettre  en  vitupere  ce  qu'il  a  honore:  de  vouloir  fouler  aux  piedz  ce  qu'il  a  exalte.  Et  on  ne  saurait  mieux  machiner  la  ruine  du  monde,  et  introduire  comme  une  briganderie  par  tout,  qu'en  taschant  d'abolir  le  gouvernement  civil  ou  la  puissance  du  glaive.  La  quelle  est  bien  mise  bas,  s'il  n'est  licite  a  un  homme  Chrestien  de  l'exercer.  LE  SEPTIESME  ARTICLE  DU  SERMENT.2)  Nous  sommes  venus  a  cest  accord  touchant  le  serment,  que  c'est  une  confirmation  qui  se  doit  faire  seulement  au  nom  de  Dieu:  et  en  verite,  non  pas  en  mensonge,  selon  le  commandement  de  la  loy.  Mais  aux  Chrestiens,  tous  sermens  sont  defendus  par  nostre  Seigneur  Iesus  Christ  (Matth.  5,  34).  1)  assavoir  (nempe)  qu'ilz  etc.  1552  suiv.  2)  Article  VII.  Du  Serment  1566  suiv.