52:92  quam  quod  apostoli  pariter  docuerint,  et  ubique  receptum  sit.  Ridicula  autem  papistarum  iactantia,  quod  doctrinam  nostram  hoc  argumento  impugnant,  quia  non  ubique  praedicetur  cum  approbatione  et  applausu,  quia  paucos  habeamus  consentientes.  Neque  enim,  si  rumpantur,  hoc  nobis  unquam  eripient,  nihil  aliud  hodie  nos  tradere,  quam  olim  praedicatum  sit  a  prophetis  et  apostolis,  totoque  sanctorum  choro  obedienter  receptum.  Neque  enim  evangelium  Paulus  approbari  voluit  omnium  saeculorum  consensu:  ut  si  repudiaretur,  vacillaret  eius  autoritas.  Sed  potius  ad  illud  Christi  mandatum  respexit  :  Ite,  praedicate  evangelium  universae  creaturae,  quod  pendet  ex  tot  vaticiniis  prophetarum,  quae  regnum  Christi  in  totum  orbem  propagatum  iri  denuntiabant.  Quid  ergo  aliud  sibi  vult  Paulus  his  verbis,  quam  aquis  illis  vivis  irrigatos  etiam  fuisse  Colossenses,  quae  a  Ierusalem  ortae,  per  totum  orbem  fluxurae  erant?  Nos  quoque  non  frustra,  nec  sine  eximio  fructu  et  consolatione  gloriamur,  nos  iliud  idem  habere  evangelium  quod  ex  edicto  Domini  praedicatum  fuit  inter  omnes  populos,  quod  ab  omnibus  ecclesiis  receptum,  in  cuius  professione  vixerunt  ac  mortui  sunt  omnes  pii.  Nec  vulgare  adiumentum  est  nobis  adversus  tot  insultus  muniendis  consensus  universae  ecclesiae,  quae  quidem  digna  est  tam  insigni  titulo.  Et  libenter  Augustino  subscribimus,  qui  hoc  praecipue  argumento  refellit  Donatistas,  quod  evangelium  afferant  inauditum  et  incognitum  omnibus  ecclesiis.  Merito  sane.  Nam  si  verum  est  evangelium  quod  nulla  ecclesiae  approbatione  obsignatum  proponitur,  sequitur,  inanes  ae  falsas  esse  tot  promissiones,  quibus  praedicitur  in  totum  orbem  perferenda  evangelii  praedicatio:  et  quae  affirmant,  colligendos  esse  ex  omnibus  populis  et  regionibus  filios  Dei,  ete.  Papistae  autem  quid?  Prophetis  et  apostolis  valere  iussis,  praeterita  vetere  ecclesia,  suam  ab  evangelio  defectionem  pro  consensu  catholicae  haberi  volunt.  Quid  simile?  Ergo  quum  de  consensu  ecclesiae  disputatio  est,  ad  apostolos  eorumque  praedicationem  redeamus:  ut  hic  Paulus  facit.  Porro  ne  quis  superstitiose  universalem  notam  accipiat:  nihil  aliud  significat  Paulus,  quam  passim  longe  lateque  esse  praedicatum.  Cuius  factus  sum.  Agit  etiam  de  sua  persona,  quod  operae  pretium  erat.  Semper  enim  cavendum  ne  temere  nos  ingeramus  ad  officium  docendi.  Ergo  sibi  munus  iniunctum  esse  testatur,  ut  sibi  ius  et  autoritatem  conciliet.  Et  quidem  suum  apostolatum  sic  cum  eorum  fide  coniungit,  ut  respuere  eius  doctrinam  nequeant,  nisi  evangelium  quod  amplexi  sunt,  deserendo.  24,  Nunc  gaudeo  in  passionibus  pro  vobis,  et  adimpleo  ea  quae  desunt  afflictionibus  Christi  in  carne  mea,  pro  corpore  eius,  quod  est  ecclesia:  25.  cuius  factus  sum  minister,  secundum  dispensationem  Dei