51:92  faire  tous  vituperes  sans  qu'il  s'en  appercoive.  Si  ceste  sentence  estoit  bien  observee,  nous  cheminerions  en  autre  reverence  que  nous  ne  faisons  pas:  mais  nous  voyons  comme  les  hommes  se  profanent,  voire  a  leur  escient,  et  s'endurcissent  tellement  qu'il  n'y  a  ne  honte  ne  honnestete  quand  il  est  question  de  parler  de  bien  et  de  mal,  que  la  on  verra  qu'a  pleine  bouche  ils  corrompent  et  pervertissent  toute  droiture,  et  blasphement  a  l'encontre  de  Dieu,  Et  dont  procede  cela?  Il  est  vray  que  plusieurs  sont  hypocrites  et  se  flattent:  mais  le  diable  ena  possede  d'aucuns  tellement  qu'ils  crachent  contre  le  ciel  manifestement,  c'est  a  dire  qu'ils  despitent  Dieu  sans  ancun  scrupule:  et  en  cela  void-on  qu'ils  sont  du  tout  mis  en  sens  reprouve  et  en  esprit  de  forcenerie.  Et  dont  procede  une  telle  audace  de  s'eslever  contre  Dieu?  C'est  (comme  nous  avons  declare)  de  ceste  hypocrisie,  quand  nous  cuidons  deguiser  tellement  par  nos  subtilitez  et  par  nos  belles  repliques  les  choses  qu'il  n'y  a  plus  de  discretion  entre  le  blanc  et  le  noir.  D'autant  plus  donc  nous  faut-il  bien  retenir  ceste  admonition  de  sainct  Paul.  Or  la  dessus  il  continue  le  propos  qu'il  a  touche,  mesmes  il  l'estend  plus  au  large,  en  disant  que  selon  que  nous  aurons  seme  nous  recueillir  ons,  et  celuy  qui  aura  seme  en  l'Esprit,  il  recueillir  a  a  vie  eternelle  de  V  Esprit  :  celuy  qui  aura  seme  en  la  chair,  il  recueillira  corruption.  Ici  en  somme  sainct  Paul  accompare  toutes  les  estudes  et  les  soings  que  nous  avons,  et  toutes  les  peines  que  nous  prenons,  aux  semailles  qu'ont  les  laboureurs.  Car  pourquoy  estce  que  les  hommes  s'employent  a  ceci  ou  a  cela,  qu'ils  y  travaillent,  qu'ils  s'y  efforcent,  sinon  d'autant  qu'ils  se  proposent  quelque  fin?  D'antant  (di-ie)  qu'ils  esperent  fruict  pour  leur  commodite:  voila  pourquoy  ils  ne  se  lassent  point  en  travaillant.  Exemple,  Celuy  qui  taschera  de  gagner  beaucoup,  il  souffrira  et  faim  et  soif,  et  froid  et  chaud,  rien  ne  luy  couste.  Et  pourquoy?  Car  l'avarice  le  transporte  tellement  qu'il  oublie  tout  et  se  tormente  plus  que  s'il  estoit  entre  les  mains  de  ses  ennemis,  il  ne  seroit  point  tormente  d'avantage.  Or  donc  quand  un  homme  met  grand  peine  a  amasser  des  biens,  c'est  comme  si  un  laboureur  semoit:  or  il  pretend  de  recueillir  en  la  fin,  et  de  venir  a  moisson.  Celuy  qui  se  voudra  faire  valoir  selon  le  monde  n'osera  pas  dormir  la  moitie  de  son  saoul:  et  en  sa  vigilence  que  cerche-il?  De  parvenir  a  quelque  honneur  et  dignite,  et  d'avoir  credit.  Et  bien,  l'ambition  est  comme  la  moisson  de  ceux  qui  appetent  les  honneurs  du  monde.  Us  veulent  recueillir.  Et  quoy?  Ce  que  leur  nature  desire  et  porte.  Autant  en  est-il  de  tout  le  reste.  Comme  un  gourmand  travaillera  pour  avoir  a  satisfaire  a  son  appetit,  il  taschera  plustost  de  faire  quelques  92