44:92  promissae:  atqui  Cyrus  mortuus  fuisset  antequam  tempus  esset  impletum.  Ergo  Deus  non  fuisset  redemptor  sui  populi.  Proinde  nimis  stulte  Eusebius,  et  similes  ita  pervertunt  temporum  ordinem.  Iam  sequitur:  10.  Propterea  prohibiti  super  vos  sunt  coeli  a  rore,  et  terra  a  proventu  suo  prohibita  est.  l  l  .  Et  vocavi  siccitatem  super  terram,  et  super  montes,  et  super  triticum,  et  super  mustum  (aut  vinum),  et  super  oleum,  et  super  omne  quod  profert  terra,  et  super  hominem,  et  super  animal,  et  super  omnem  laborem  manuum.  Confirmat  proximam  sententiam,  quod  scilicet  Deus  palam  fecerit,  se  ideo  infestum  esse  populo  suo,  quia  frigeret  illic  pietatis  studium:  imo  quia  singuli  praepostere  attenti  essent  utilitati  privatae:  interea  vero  nulla  erat  cura  aedificandi  templi.  Dicit  igitur  propterea  clausos  fuisse  coelos  et  prohibitos  a  rore,  hoc  est,  ne  rorem  stillarent  in  terram.  Deinde  terram  fuisse  clausam  a  suo  proventu  :  nempe  ut  nihil  redderet,  sed  fraudaret  suos  cultores.  In  particula  p  b])  tenendum  memoria  est  quod  dixi,  Deum  non  respicere  externum  templum  ac  visibile,  sed  finem  potius:  quia  tunc  volebat  sub  caeremoniis  legalibus  coli.  Si  ergo  offerrent  tunc  Iudaei  mutilas  hostias,  claudas  et  vitiosas,  prodebant  suam  impietatem  et  contemptum  Dei.  Atqui  hoc  perinde  erat  Deo,  verum  est:  neque  vero  praeceperat  etiam  offerri  sibi  sacrificia  in  suum  usum,  sed  ut  talibus  officiis  pietatem  suam  foverent.  Nunc  ergo  quum  dicit  se  poenam  sumere  de  neglectu  templi,  semper  debemus  referre  mentes  nostras  ad  exemplar  illud  coeleste,  ut  sciamus  reprehendi  in  Iudaeis  frigus  et  torporem:  quia  inde  satis  constabat  nullam  esse  curam  colendi  Dei  apud  ipsos.  Iam  quod  ad  prohibitionem  roris  et  victus  pertinet,  scimus  prophetas  sumere  ex  lege  quae  faciunt  ad  docendum  populum,  et  tantum  accommodare  ad  usum  praesentem.  Maledictiones  in  lege  sunt  generales.  Perinde  igitur  est  ac  si  diceret  propheta  impleri  re  ipsa  quod  Deus  per  Mosen  minatus  fuerat.  Non  debebat  illis  hoc  esse  novum  quoties  coelum  negabat  rorem  et  pluviam,  exstare  aliquod  signum  irae  Dei.  Sed  sicuti  hodie  in  bellis,  in  fame,  in  peste  non  respiciunt  homines  ad  generalem  doctrinam,  ideo  haec  est  necessaria  accommodati.  Et  prudenter  debent  huc  attendere  pii  doctores,  ut  scilicet  pro  re  nata  et  praesenti  occasione,  admoneant  Deum  clare  ostendere  experimento  quod  verbo  suo  testatus  est.  Sic  ergo  nunc  propheta  noster,  Prohibiti  sunt  coeli  a  rore,  et  terra  etiam  a  proventu  suo.  Denique  significat  Deus  neque  in  coelo  ipso  esse  ullam  sollicitudinem,  ut  nobis  provideat,  et  stillet  rorem  suum,  ut  terra  nobis  fructum  pro-