4:92  solutions,  paillardises  et  immondicitez,  de  mener  le  dueil  a  cause  d'une  telle  durete  (2  Cor.  12,  21).  Ceste  difference  est  bien  a  observer,  afin  que  si  aucuns  sont  exhortez  a  repentance,  nous  ne  pensions  pas  estre  quittes  de  nous  convertir  iournellement  a  Dieu:  et  que  nous  ne  soyons  pas  surprins  de  nonchalance,  comme  si  la  mortification  de  la  chair  ne  nous  appartenoit  plus  de  rien.  Car  les  cupiditez  mauvaises  dont  nous  sommes  assiduellement  chatouillez,  et  les  vices  qui  pullulent  en  nous,  ne  nous  donnent  point  le  loisir  de  nous  apparesser,  que  nous  ne  mettions  peine  et  soin  a  nous  amender.  Parquoy  la  penitence  speciale,  laquelle  est  requise  en  ceux  l)  que  le  diable  a  transporte2)  du  service  de  Dieu,  et  enlace  aux  filets  de  mort,  n'empesche8)  pas  qu'en  general  tous  ne  doivent  estre  repentans,  et  n'oste  pas  la  penitence  ordinaire,  a  laquelle  la  corruption  de  nostre  nature  nous  doit  soliciter.  19.4)  Or  s'il  est  vray  que  toute  la  somme  de  l'Evangile  soit  comprise  en  ces  deux  poincts,  assavoir  en  repentance  et  remission  des  pechez  (comme  c'est  une  chose  notoire)  ne  voyons-nous  pas  bien  que  le  Seigneur  iustifie  gratuitement  ses  serviteurs,  afin  de  les  restaurer  quant  et  quant  en  vraye  iustice,  par  la  sanctification  de  son  Esprit?  Iean-Baptiste,  5)  lequel  estoit  Ange  envoye  pour  preparer  la  voye  a  Christ  (Matth,  l  l  ,  10),  avoit  cela  pour  somme  de  sa  predication,  Faites  penitence:  car  le  royaume  de  Dieu  est  approche  (Matth.  3,  2).  Induisant  les  hommes  a  penitence,  il  les  admonnestoit  de  se  recognoistre  pecheurs,  et  se  rendre  damnables  devant  Dieu,  avec  toutes  leurs  oeuvres:  afin  de  souhaiter  de  tout  leur  coeur  la  mortification  de  leur  chair,  et  nouvelle  regeneration  de  l'Esprit  de  Dieu.  En  annoncant  le  Royaume  de  Dieu,  il  les  appelloit  a  la  foy.  Car  par  le  Royaume  de  Dieu,  lequel  il  annoncoit  estre  pres,  il  signifioit  la  Remission  des  pechez,  Salut  ei  Vie,  et  generalement  tous  les  biens  que  nous  recevons  en  Christ.  G)  Parquoy  il  est  dit  es  autres  Evangelistes,7)  que  Iean  est  venu  pres-  1)  en  ceux,  le  latin  dit:  a  quibusdam  tantum.  2)  1562:  transportez  .  .  .  .  enlacez.  3)  n'empesche  .  .  .  .  repentans,  ne  s'e  trouve  pas  dans  le  latin.  4)  1541  Ch.  V.  p  .  307;  1545  Ch.  IX.  p  .  509;  1551  s.  Ch.  IX.  §.  12.  5)  Baptiste,  n'est  pas  dans  le  latin.  6)  C'est  ainsi  que  porte,  conformement  au  latin,  le  texte  des  ed.  de  1560  et  suiv.,  d'accord  avec  celiii  des  ed.  anterieures.  U  ed.  de  1566  ajoute,  apres:  il  signifioit,  les  mots  suivants:  la  conionction  que  les  hommes  ont  avec  Dieu  quand  ils  adherent  vrayement  a  luy  comme  a  leur  chef:  enquoy  est  comprinse  la  Remission  des  pechez  etc.  7)  Parmi  toutes  les  editions  originales  celle  de  1560  est  la  seule  qui  insere  la  citation  dans  le  texte  meme,  en  ces  termes:  (assavoir  en  sainct  Marc  chapitre  premier  verset  quatrieme,  et  au  troisieme  chapitre  de  sainct  Luc,  verset  troisieme).