35:92  mort:  comme  il  est  dit  notamment,  Que  les  clefs  du  royaume  des  cieux  sont  donnees  a  ceux  qui  preschent  l'Evangile.  Pourquoi?  Pour  pardonner  les  pechez:  non  point  en  leur  authorite,  mais  afin  que  les  povres  pecheurs  soyent  tant  mieux  asseurez  de  leur  salut,  et  qu'ils  ne  doutent  point  que  Dieu  ne  les  recoive  a  merci:  et  desia  en  son  nom  on  leur  prononce  qu'ils  sont  absous  devant  son  siege  iudicial.  Voila  pourquoi  notamment  il  est  dit,  Que  Dieu  aura  merci  de  l'homme,  quand  il  lui  envoyera  un  bon  docteur  et  fidele,  et  qu'il  baillera  ceste  charge  et  office  a  ceux  qu'il  ordonne,  de  racheter  et  delivrer  la  povre  creature  qui  estoit  en  perdition.  Mais  afin  que  tout  soit  mieux  entendu,  il  y  a  ici  trois  poincts  a  observer.  L'un  c'est  qu'Eliu  nous  monstre  la  cause  et  le  fondement  de  la  remission  de  nos  pechez,  c'est  assavoir  d'autant  que  Dieu  nous  est  pitoyable,  et  que  par  sa  bonte  infinie  il  ne  veut  point  que  nous  perissions.  Voila  un  Item.  Le  second  c'est,  que  l'office  de  ceux  qui  preschent  l'Evangile  est  de  retirer  les  povres  ames  de  la  mort,  et  de  les  delivrer.  Le  troisieme  c'est,  que  cela  ne  se  fait  pas  que  Dieu  n'en  donne  commission  expresse  :  comme  aussi  il  n'appartient  pas  a  un  homme  mortel  d'usurper  une  chose  si  haute,  et  qui  est  par  dessus  nostre  faculte.  Quant  au  premier  donc,  nous  voyons  que  le  sainct  Esprit  nous  ramene  ici  a  ceste  source  de  la  grace  que  nous  obtenons  de  Dieu.  Quand  il  nous  pardonne  nos  pechez,  pourquoi  est-ce?  Non  pas  que  nous  en  soyons  dignes,  non  pas  que  nous  le  puissions  prevenir,  que  nous  lui  apportions  rien  pourquoi  il  doive  estre  esmeu  envers  nous:  mais  pource  qu'il  nous  regarde  en  pitie.  En  somme  le  sainct  Esprit  attribue  ici  la  remission  de  nos  pechez  a  la  pure  bonte  de  Dieu  et  gratuite,  d'autant  que  nous  sommes  miserables,  qu'il  n'y  a  en  nous  que  perdition.  Voila  Dieu  qui  nous  veut  subvenir,  et  le  fait  non  point  pour  rien  qu'il  trouve  en  nous  sinon  des  miseres  infinies,  mais