31:92  Psalmis  occurrit,  non  incommode  ita  vertetur,  quasi  dixisset,  hoc  mirum  esse  quod  Deus  assidue  de  hominibus  cogitet.  6.  Quia  minuisti  eum  paululum  a  Deo*)  et  gloria  et  decore  coronasti  eum.  7.  Praefecisti  eum  operibus  manuum  tuarum:  omnia  posuisti  sub  pedibus  eius,  6.  (Quia  minuisti.)  Mihi  dubium  non  fuit  quin  copula  Hebraica  >3  in  adverbium  causale  mutanda  fuerit;  quasi  positum  esset:  Nam  certe:  confirmat  enim  quod  nuper  dixit  de  immensa  Dei  gratia  erga  homines,  quod  scilicet  illis  se  propinquum  et  eorum  memorem  ostendat.  Ac  primo  quidem  tot  decoribus  ornatos  esse  dicit,  ut  eorum  conditio  divina  et  coelesti  gloria  non  longe  sit  inferior.  Deinde  externum  in  omnes  creaturas  imperium  et  ius  commemorat,  ex  quo  apparet  in  quam  altum  dignitatis  gradum  eos  Deus  extulerit.  Equidem  non  dubito  quin  praeclaras  dotes  commendet,  quae  declarant  homines  ad  imaginem  Dei  formatos  esse,  et  creatos  ad  spem  beatae  vitae  et  immortalis.  Nam  quod  ratione  praediti  sunt,  qua  discernant  inter  bonum  et  malum,  quod  illis  inditum  est  religionis  semen,  quod  mutua  est  inter  eos  communicatio,  sacris  quibusdam  vinculis  astricta,  quod  inter  eos  viget  honesti  respectus  et  pudor,  et  legum  moderatio:  haec  non  obscura  sunt  summae  et  coelestis  sapientiae  signa.  Quare  non  immerito  exclamat  David,  gloria  et  decore  ornatum  esse  humanum  genus.  Coronari  enim  metaphorice  hic  capitur,  quasi  dixisset  vestitum  esse  et  decoratum  honoris  insignibus,  Quae  non  longe  a  divino  fulgore  absint.  Quod  DTF7X  Graeci  verterunt  angelos,  mihi  non  displicet.  Certe  nomen  hoc  saepe  ad  angelos  transferri  notum  est,  et  verba  Davidis  perinde  valere  interpretor,  ac  si  dixisset,  parum  abesse  homines  a  divino  et  coelesti  statu.  Quia  tamen  magis  genuina  videtor  altera  versio,  et  in  eam  fere  Hebraei  consentiunt,  eam  sequutus  sum.  Nec  obstat  quod  apostolus  ad  Hebraeos  2,  7  Ab  angelis,  posuit,  non  autem:  A  Deo:  quia  scimus  quam  libere  sibi  permiserint  apostoli  citare  scripturae  locos:  non  quidem  ut  torquerent  in  alienum  sensum,  sed  quia  illis  satis  fuit  digito  monstrare,  quod  docebant  Dei  oraculis  esse  sancitum.  Quare  modo  de  summa  rei  constaret,  verba  mutare  nulla  illis  fuit  religio.  In  modo  altero  solvendo  plus  est  difficultatis,  nam  quum  hic  de  praestantia  hominum  disserat  propheta  et  dicat  eos  ad  Deum  prope  accedere,  apostolus  ad  Christi  exinanitionem  trahit.  Primo  videndum  est  qui  conveniat,  quod  de  toto  genere  humano  dictum  est,  Christi  personae  aptari.  *)  un  peu  moindre  que  Dieu,  en  marge:  ou  les  Anges