21:92  de  France  !)  L'occasion  qu'il  eut  de  composer  ledit  livret,  fut  que  lors  un  certain  Pedante  se  mit  en  avant,2)  c'est  Francois  Balduin  lequel  ne  pouvant  non  plus  demeurer  en  une  religion  qu'en  une  place,  a  change  de  demeure  et  condition  plus  souvent  que  tous  les  iours,  et  de  religion  pour  le  moins  trois  fois.  A  la  parfin  n'ayant  plus  de  conscience  a  perdre,  s'est  range  d'une  certaine  religion  pareille  a  celle  des  chanoines  reguliers:  lesquels  estans  en  general  semblables  a  tous  les  autres  de  leur  rang,  toutesfois  quand  il  est  question  de  leur  particulier,  se  font  moines  en  ce  qui  est  avantageux  pour  les  moines  :  et  tout  au  contraire  se  font  seculiers,  quand  la  moinerie  leur  est  peu  favorables  ainsi  ce  personnage  baise  la  pantoufle  comme  les  autres:  et  afin  qu  'on  ne  fist  doute  que  ce  ne  fust  a  bon  escient,  en  a  prins  une  bonne  et  belle  remission  de  son  roy,  pour  rentrer  en  grace  de  sa  sainctete  et  des  Cardinaux,  desquels  pour  son  dernier  malheur  il  est  devenu  esclave.  Si  il  est  donc  question  d'escrire  contre  nous,  voila  le  meilleur  catholique  du  monde.  Mais  si  d'autre  coste  il  faut  s'accommoder  a  ceux  qui  sont  comme  entre  deux  fers,  et  se  vantent  de  tenir  le  milieu,  alors  il  crache  les  reformations  de  l'eglise  Romaine,  et  parle  vaillamment  de  certains  abus:  mais  c'est  sans  toucher  au  principal,  et  tellement  toutesfois  que  tout  homme  qui  ne  le  cognoistroit,  penseroit  qu'il  parlast  a  bon  escient,  et  non  point  pour  se  faire  valoir.  Ce  galant  pour  son  entree  ne  faillit  pas,  l'an  1561,  de  mettre  en  avant  un  livre  de  telle  matiere,  sans  aucun  nom,  a  l'heure  mesmes  qu'on  estoit  au  colloque  de  Poissy.  Calvin  cognoissant  l'intention  de  ce  malheureux,  respondit  brievement  comme  il  avoit  accoustume,  mais  fort  peremptoirement,  et  donnant  quelques  atteintes  a  celuy  qui  estoit  principalement  [g  2]  coulpable  de  ce  mal.  Balduin  sur  cela  s'eschauffe,  et  depuis  n'a  cesse  d'escumer  sa  rage  contre  celuy  qu'il  avoit  tant  de  fois  appele  pere  et  precepteur:  le  tout  pour  faire  cognoistre  qu'il  s'estoit  revolte  a,  bon  escient.  Sur  cela  Calvin  Ta  combatu  et  ruine  par  un  seul  silence.  Car  quant  aux  iniures  et  outrages  contre  sa  personne,  il  les  a  tousiours  estimees  honorables  pour  le  nom  du  Seigneur  auquel  il  servoit:  ioint  qu'estre  blasme  par  un  meschant,  emporte  certain  tesmoignage  de  vertu.  Et  quant  aux  reprehensions  concernantes  la  doctrine,  les  unes  luy  ont  semble  si  legeres  et  impertinentes  qu'elles  ne  meritoyent  response:  les  autres  ne  sont  que  redites  empruntees  d'ailleurs,  et  mille  et  mille  fois  refutees.  Toutesfois  pource  que  c'est  a  moy  aussi  que  cest  apostat  s'est  attache  pour  gratifier  ses  maistres,  i'ay  prins  la  1)  Comp.  la  premiere  redaction  p.  14  suiv.  2)  un  certain  F.  Balduin  se  mit  en  avant  F,