11:92  omnia  valde  expedita  mihi  forent,  nescio  qua  tamen  desuetudine  oblitus  sum  artes  regendae  multitudinis.  4)  Mihi  hic  cum  paucis  negotium  est,  et  quorum  pars  maior  me  non  tantum  ut  pastorem  audit,  sed  ut  praeceptorem  observat.  Dices  me  nimis  esse  delicatum,  qui  his  blanditiis  delibutus  nullam  asperiorem  vocem  nunc  audire  sustineam.  Falleris  vero  si  haec  putas;  sed  quum  paucis  atque  his  nonnihil  obsequentibus  bene  praeesse  mihi  arduum  sentiam,  ad  tantam  multitudinem  continendam  qui  sufficerem?  Quo  autem  consilio  me  revocent,  vix  audeo  apud  me  aestimare:  nam  si  sincero  animo  ducuntur,  cur  me  potius  quam  eum  6)  cuius  ministerium  non  minus  necessarium  ad  instaurandam  ipsorum  ecclesiam  esset,  quam  principio  ad  eam  fundandam  fuit!  Quid  si  me  ideo  vocant  ut  vicinis  sint  ludibrio,  quod  sint  ab  iis  destituti,  quorum  subsidio  freti  nos  ablegare  ausi  fuerant?  Neque  tamen  ista  omnia  efficiunt,  ne  vocationi  obtemperem.  Nam  quo  magis  ab  illa  provincia  animus  meus  abhorret,  co  magis  mihi  sum  suspectus.  Itaque  nec  mihi  de  ea  re  deliberare  permitto,  et  a  nostris  peto  ne  me  in  consultationem  adhibeant:  ac  quo  liberius  sinceriusque  statuant,  magna  ex  parte  istos  cordis  mei  aestus  dissimulo.  Quid  facerem?  malo  enim  prorsus  caecutire,  ut  me  ab  aliis  regi  patiar,  quam  lippitudini  meae  temere  fidendo  aberrare.  Porro  si  te  interrogem,  quorum  maximo  arbitrio  permittere  me  debeam:  respondebis,  nisi  fallor,  non  alios  esse  ad  consulendum  mihi  magis  idoneos,  quam  Capitonem  et  Bucerum.  Quid  autem  illi  sentiant  audisti  ex  ipsorum  ore.  Utinam  diligenter  fratribus  exponas:  ac  illi  nullo  praeiudicio  occupati,  serio  expendant.  Summa  haec  sit.  Nihil  hic  astute  me  agere  coram  Domino  testor,  nec  rimas  scrutari  quibus  effugiam.  Siquidem  ut  Genevensi  ecclesiae  prospectum  cupio,  ita  malim  vitam  centies  exponere,  quam  eam  deserendo  prodere.  Sed  quoniam  ad  reditum  animus  non  sponte  inclinat,  paratus  sum  eos  sequi,  quos  mihi  fidos  ac  tutos  duces  fore  bona  spes  est.  Caeterum  non  est  quod  ante  finem  conventus  Wormatiensis  laborent  de  me  recipiendo:  quando  legatum  nondum  miserunt.  Die  Dominico  habebitur  hic  publica  supplicatio  per  omnia  templa:  Lunae  solvemus.  6)  Vos  etiam  sanctis  precibus  nos  ad  certamen  hoc  sustinendum  adiuvate.  Quid  moliantur  adversarii  nostri  palam  est.  Nempe,  ut  omnes  Imperii  ordines  in  nostram  perniciem  arment.  Quibus  autem  artibus  nos  adoriri  instituerint,  incertum  est.  Quidquid  tamen  habent  calliditatis  in  hac  postrema  4)  Ex  ungue  leonem.  Argentorati  pastor  erat  parvi  gregis  peregrinorum.  Genevam  non  rediturus  erat  nisi  reformator  reipublicae.  5)  scil.  ipsum  Farellum.  6)  25.  Octobr.