46:919  910  SERMONS  920  tentifs.  Et  de  fait,  sinon  que  nous  veuillions  imaginer  (comme  font  d'aucuns  fantastiques)  que  le  Seigneur  Iesus  ait  parle  selon  l'opinion  des  hommes,  et  non  pas  selon  son  sens  et  son  affection:  il  faut  bien  que  nous  soyons  yci  esmeus,  et  que  tous  nos  sens  soyent  ravis,  quand  Iesus  Christ  se  plaind  d'estre  delaisse  et  abandonne  de  Dieu  son  Pere.  Car  c'est  une  chose  trop  lourde  et  trop  sotte,  de  dire  que  nostre  Seigneur  Iesus  n'ait  point  este  touche  d'angoisse  ni  solicitude  en  son  coeur:  mais  qu'il  ait  simplement  dit,  On  cuide  que  ie  sois  delaisse.  Cela  monstre  que  ceux  qui  cherchent  telles  gloses,  sont  non  seulement  ignorans,  mais  du  tout  badins:  et  au  reste,  ils  ne  laissent  pas  toutesfois  de  blasphemer,  comme  des  chiens  mastins,  a  l'encontre  de  Dieu.  Et  tous  ceux  qui  parlent  ainsi,  il  est  certain  qu'ils  n'ont  religion  non  plus  que  chiens  et  bestes  brutes,  car  ils  ne  scavent  combien  leur  salut  a  couste  au  Fils  de  Dieu.  Et  qui  pis  est,  ils  s'en  mocquent  comme  des  vileins  qu'ils  sont.  Or  donc  il  nous  faut  tenir  pour  chose  conclue,  que  nostre  Seigneur  Iesus,  estant  amene  en  telle  extremite  et  angoisse,  s'est  escrie  a  haute  voix  (ouy  comme  ceux  qui  sont  tormentez  iusques  au  bout),  Mon  Dieu,  mon  Dieu,  pourquoy  m'as-tu  laisse?  Et  de  faict,  nous  avons  dit  ci  dessus  que  ce  seroit  une  chose  froide  de  l'histoire  de  sa  mort,  si  nous  ne  considerions  l'obeissance  qu'il  a  rendue  a  Dieu  son  Pere.  Voyci  donc  le  principal  ou  nous  avons  a  regarder  quand  nous  voudrons  estre  asseurez  de  nostre  salut:  c'est  que  si  nous  avons  commis  beaucoup  de  fautes  et  de  rebellions  et  iniquitez  contre  Dieu,  le  tout  sera  enseveli,  d'autant  que  nostre  Seigneur  Iesus  par  son  obeissance  nous  a  justifiez,  et  nous  a  rendus  agreables  a  Dieu  son  Pere.  Or  ceste  obeissance-!a,  en  quoy  gist-elle,  sinon  que  Iesus  Christ,  encores  que  la  mort  luy  fust  dure  et  terrible,  neantmoins  n'a  pas  laisse  de  s'y  assuietir?  Car  s'il  n'y  eust  eu  nulle  difficulte  ne  contradiction,  ce  n'estoit  pas  obeissance:  mais  en  tant  que  nostre  Seigneur  Iesus  de  nature  avoit  la  mort  en  horreur,  et  mesmes  que  ce  luy  estoit  une  chose  espovantable  de  se  trouver  devant  le  siege  iudicial  de  Dieu  au  nom  de  tous  povres  pecheurs  (car  il  estoit  la  comme  ayant  a  soustenir  tous  nos  fardeaux),  et  neantmoins  il  n'a  pas  laisse  de  s'humilier  a  telle  condamnation  pour  nous,  nous  cognoissons  en  luy  une  obeissance  parfaite,  et  en  cela  avons  bien  matiere  de  le  glorifier:  ainsi  que  dit  l'Apostre  en  l'Epistre  aux  Hebrieux,  que  nostre  Seigneur  Iesus  a  este  exauce  de  sa  crainte.  Mais  quoy  qu'il  en  soit,  si  est-ce  qu'il  a  falu  qu'il  ait  soustenu  ce  qui  estoit  tant  dur  et  pesant,  voire  tout  contraire  a  toute  affection  humaine.  Il  a  falu  donc  que  Dieu  son  Pere,  l'ait  ainsi  exerce  afin  que  son  obeissance  fust  cognue.