46:917  917  DE  LA  PASSION.  918  non  pas  le  commencement,  quand  il  deserit  le  temps  que  Iesus  Christ  fut  mene  en  Golgotha.  Or  il  fut  en  la  croix  iusques  a  la  neufieme  heure,  lors  que  desia  la  fin  du  iour  approchoit.  Et  ainsi  il  est  plus  vray  semblable  que  nostre  Seigneur  Iesus  n'a  pas  demoure  perdu  a  la  croix  plus  de  trois  heures.  Pendant  lequel  temps  il  est  dit  que  les  tenebres  ont  este  faites  sur  toute  la  terre,  c'est  ascavoir  de  Iudee.  Car  l'eclipse  n'a  pas  este  generale  par  tout  le  monde.  Et  do  faict  cela  eust  obscurci  le  miracle  que  Dieu  vouloit  monstrer:  pource  qu'on  ^ust  attribue  cest  eclipse  a  Tordre  de  nature.  Et  d'autre  coste  il  n'y  a  pas  beaucoup  de  gens  qui  en  ayent  parle  en  ce  sens  qu'elle  ait  este  es  autres  pays:  et  ceux  encores  qui  en  font  mention  sont  suspects  a  bon  droit.  Mais  voyla  le  pays  de  Iudee  qui  est  couvert  de  tenebres.  Et  a  quelle  heure?  Comme  environ  trois  heures  apres  midi,  la  ou  le  soleil  n'estoit  pas  encores  prochain  de  son  giste,  comme  on  appelle:  mais  outre  l'ordre  commun  il  faut  que  les  tenebres  soyent  pour  donner  effroy  et  esbahissement  a  tous.  Or  plusieurs  estiment  que  cela  s'est  fait  en  signe  de  detestation,  comme  si  Dieu  vouloit  adiourner  les  Iuifs,  afin  qu'ils  eussent  quelque  sentiment  de  ce  crime  tant  enorme  qu'ils  avoyent  commis,  et  comme  s'il  leur  signifioit  par  ce  signe  visible  que  toutes  creatures  mesmes  devoyent  comme  se  cacher  d'une  chose  si  horrible,  quand  Iesus  Christ  est  ainsi  livre  a  mort.  Mais  nous  avons  a  noter  qu'en  une  sorte  la  mort  de  nostre  Seigneur  Iesus  Christ  a  deu  estre  tenue  comme  un  crime  espovantable  :  c'est  ascavoir  au  regard  des  Iuifs:  et  Dieu  a  bien  deteste  leur  iniquite  si  vileine:  car  elle  a  surmonte  toutes  les  autres.  Et  de  faict,  si  nous  hayssons  un  meurtre  et  choses  semblables,  que  sera-ce  quand  nous  viendrons  a  la  personne  du  Fils  de  Dieu?  Que  les  hommes  ayent  este  si  forcenez  de  vouloir  aneantir  celuy  qui  estoit  la  fontaine  de  vie,  qu'ils  se  soyent  eslevez  pour  abolir  la  memoire  de  celuy  par  lequel  nous  avons  este  creez,  et  en  la  vertu  duquel  nous  subsistons  i  Mais  cependant  si  est-ce  que  la  mort  de  nostre  Seigneur  Iesus  n'a  pas  laisse  d'estre  un  sacrifice  de  bon  odeur:  car  il  nous  faut  tousiours  la  revenir  que  c'a  este  la  reconciliation  du  monde,  comme  nous  avons  declare  ci  dessus.  Au  reste,  les  tenebres  sont  faites  afin  que  le  soleil  rende  tesmoignage  a  la  maieste  Divine  et  celeste  de  nostre  Seigneur  Iesus.  Combien  donc  que  pour  ceste  minute-la  il  fust  non  seulement  abbaisse  devant  les  hommes  et  rendu  contemptible,  voire  du  tout  aneanti,  comme  S.  Paul  en  parle:  si  est-ce  que  le  soleil  monstre  qu'il  luy  fait  hommage,  et  en  signe  de  cela  il  demeure  la  cache.  Puis  qu'ainsi  est  donc,  cognoissons