46:916  ger  a  nostre  Seigneur  Iesus  Christ.  Ainsi  en  premier  lieu  que  cela  nous  soit  bien  resolu,  que  Iesus  Christ  appelle  a,  soy  les  povres  pecheurs  qui  n'ont  que  confusion  en  leurs  personnes,  et  qu'il  ha  les  bras  estendus  pour  les  recevoir.  Car  si  nous  n'avons  cela  iamais  nous  ne  pourrons  prendre  courage  de  venir  a  luy.  Mais  quand  nous  serons  bien  persuadez  que  c'est  a  ceux  qui  sont  les  plus  miserables  que  s'addresse  le  salut  qu'il  a  acquis,  moyennant  qu'ils  se  recognoissent  tels,  et  qu'ils  s'humilient,  et  qu'ils  soyent  du  tout  confus,  se  rendans  coulpables  (comme  ils  sont)  devant  le  iugement  de  Dieu  :  voyla  comme  nous  serons  asseurez,  voyla  comme  nous  aurons  acces  facile  pour  estre  participans  de  la  iustice  laquelle  nous  est  yci  offerte,  et  par  laquelle  nous  obtenons  grace  et  faveur  devant  Dieu.  Or  la.  dessus  ii  est  dit  que  depuis  l'heure  sixieme  iusques  a  l'heure  neufieme  il  y  a  eu  tenebres��  Ie  parle  ainsi  outre  nostre  langage  commun,  car  nous  dirions  six  heures  a��  neuf  heures  :  mais  l'Evangeliste  a  suyvi  la  facon  commune  qui  estoit  pour  lors.  Car  quand  il  dit  a  l'heure  troisieme,  ce  n'est  pas  a  dire:  A  trois  heures:  mais  c'est  a  la  premiere  partie  du  iour.  Et  il  y  a  yci  deux  choses  a  noter  en  somme.  L'une  c'est  qu'on  comtoit  les  heures  autrement  que  nous  ne  faisons  pas  auiourd'huy:  car  on  commencoit  le  iour  depuis  le  soleil  levant  iusques  au  couchant,  et  y  avoit  en  cela  douze  heures,  au  lieu  que  nous  prenons  le  iour  de  vingt  quatre  heures,  comprenant  depuis  minuit  iusques  a  minuit  suyvant.  II  faloit  donc  que  les  horloges  fussent  conduites  autrement,  en  sorte  que  les  heures  en  Peste  estoyent  plus  grandes  qu'en  hyver:  et  selon  que  les  iours  estoyent  plus  longs  ou  plus  courts,  ainsi  les  heures  estoyent  longues  ou  courtes.  L'autre  poinct,  c'est  qu'ils  partissoyent  le  iour  en  quatre,  et  de  trois  en  trois  heures  ils  avoyent  les  quartiers  du  iour,  et  chacune  partie  prenoit  son  nom  de  la  premiere  heure  de  son  commencement.  Ainsi  tout  le  temps  qui  estoit  depuis  le  soleil  leve  iusques  a  la  seconde  partie  du  iour,  ils  l'appeloyent  la  premiere  heure.  La  seconde  partie  qui  s'estendoit  iusques  a  midi,  estoit  par  eux  nommee  la  troisieme  heure.  Et  la  sixieme  heure  commencoit  depuis  midi  et  duroit  iusques  a  trois  ou  quatre  heures  apres.  Et  l'autre  partie,  qui  estoit  la  derniere,  duroit  iusques  a,  ce  que  le  soleil  couchast,  et  que  le  iour  fust  fini.  Et  voyla  pourquoy  il  est  dit  par  Pun  des  Evangelistes  que'  lesus  Christ  fut  crucifie  environ  les  trois  heures:  et  il  est  yci  dit  que  ce  fust  environ  les  six  heures.  Nostre  Evangeliste  a  entendu  que  depuis  six  heures  iusques  a  neuf  il  y  a  eu  tenebres  Car  nostre  Seigneur  Iesus  fut  crucifie  entre  trois  heures  et  six,  et  il  avoit  este  condamne  environ  trois  heures  par  Pilate.  Et  S.  Marc  entend  la  fin  de  trois  heures,