46:915  915  SERMONS  91&  monumens  s'ouvrirent:  et  apres  quyil  fut  ressuscites  plusieurs  corps  des  Saincts  qui  avoyent  este  endormis,  ressusciter  ent:  53.  Et  estans  sortis  des  monumens,  veinrent  en  la  saincte  Cite,  et  apparurent  a  plusieurs.  54.  Or  le  Centenier,  et  ceux  qui  estoyent  la  avec  luy  gardans  lesus,  voyans  le  tremblement  de  terre,  et  les  choses  qui  se  faisoyent,  eurent  grand'  crainte,  disans,  Veritablement  cestuy-ci  estoit  le  Fils  de  Dieu.  Nous  veismes  hier  que  les  mocqueries  et  blasphemes  des  ennemis  de  Dieu  n'empescherent  point  quo  la  mort  et  passion  de  nostre  Seigneur  Iesus  ne  produist  et  monstrast  sa  vertu  au  milieu  de  tel  mespris  et  ingratitude  du  monde.  Car  voyla  tous  ceux  qui  estoyent  en  quelque  reputation  et  dignite  ��ntre  les  Iuifs,  qui  a  piene  bouche  se  mocquent  du  Fils  de  Dieu:  mais  cependant  cela  n'empesche  pas  qu'il  n'ait  pitie  du  povre  brigand,  et  qu'il  ne  le  recoyve  en  la  vie  eternelle.  Et  ne  faut  point  que  la  personne  obscurcisse  ou  diminue  la  gloire  du  Fils  de  Dieu.  Si  on  allegue  qu'un  povre  brigand  n'est  point  a  comparer  a  ceux  qui  avoyent  le  regime  de  l'Eglise,  qui  estoyent  ceste  lignee  sacerdotale  que  Dieu  avoit  choisie,  qui  estoyent  docteurs  de  la  Loy:  il  n'est  pas  question,  quand  nous  parlons  du  salut  qui  nous  a  este  acquis  par  la  bonte  gratuite  de  Dieu,  de  chercher  aucune  excellence  en  nos  personnes:  mais  plustost  il  faut  revenir  a  ce  que  dit  S.  Paul,  que  c'est  une  doctrine  fidele  que  Iesus  est  venu  pour  sauver  les  povres  pecheurs.  Ainsi  donc  quand  nous  considererons  le  fruit  de  la  mort  et  passion  de  nostre  Seigneur  Iesus  Christ,  ii  faudra  que  tous  hommes  soyent  abbatus,  et  qu'on  ne  trouve  en  eux  que  povrete  et  vergongne,  afin  que  Dieu  desploye  sur  eux  par  ce  moyen  les  thresors  de  sa  misericorde,  n'ayant  autre  esgard  de  nous  subvenir,  sinon  doutant  qu'il  voit  que  nous  sommes  abysmez  en  toutes  miseres.  D'autant  donc  que  ce  brigand  estoit  un  homme  du  tout  reprouve,  et  que  Dieu  Pa  appele  ainsi  soudain,  quand  nostre  Seigneur  a  fait  valoir  envers  luy  sa  mort  et  passion  qu'il  souffroit  et  enduroit  pour  tout  le  genre  humain,  cela  est  pour  nous  mieux  confermer.  Ii  n'est  point  donc  question  que  Dieu  se  monstre  yci  comme  tendant  la  main  a  ceux  qui  en  sembloyent  estre  dignes,  et  qui  avoyent  quelque  merite  en  eux,  ou  qui  estoyent  excellens  et  en  reputation  commune  des  hommes.  Mais  quand  il  tire  du  profond  d'enfer  les  povres  ames  damnees,  quand  il  se  monstre  pitoyable  envers  ceux  qui  estoyent  du  tout  forclos  d'esperance  de  vie,  voyla  en  quoy  reluit  sa  bonte.  Et  voyla  aussi  qui  nous  doit  donner  entree  a  salut:  car  les  hypocrites,  combien  qu'ils  confessent  estre  tenus  aucunement  a  la  grace  de  Dieu,  cependant  se  ferment  la  porte  par  leur  arrogance  :  car  ils  sont  tellement  enflez  d'orgueil  qu'ils  ne  se  peuvent  ran-