46:914  Seigneur  Iesus  Christ,  et  laquelle  nous  est  offerte  tous  les  iours  par  la  predication  de  l'Evangile,  que  cela  soit  pour  nous  faire  surmonter  toutes  les  angoisses,  fascheries,  ennuis,  troubles  et  assaux  que  nous  pourrions  avoir:  que  toutes  nos  afflictions  soyent  addoucies,  d'autant  que  nous  scavons  que  le  tout  nous  sera  converti  en  bien  et  en  salut,  par  la  grace  de  nostre  Seigneur  Iesus  Christ.  Voyla  donc  ce  que  nous  avons  a  observer.  Et  au  reste,  que  nous  conioignions  la  response  de  nostre  Seigneur  Iesus  Christ,  quand  il  promet  au  brigand  qu'il  sera  avec  luy  ce  iour-la  en  Paradis.  Combien  donc  que  nostre  Seigneur  Iesus  ne  fust  point  encores  ressuscite  des  morts,  et  que  mesmes  il  n'eust  point  accompli  tout  ce  qui  estoit  ��requis  a  nostre  redemption  et  salut,  si  est-ce  que  desia  il  desploye  la  vertu  et  le  fruit  de  sa  mort  et  passion.  Il  est  vray  que  l'accomplissement  a  este  en  la  resurrection:  mais  puis  qu'elle  est  coniointe  a  sa  mort  et  passion,  et  que  nous  scavons  que,  comme  il  a  souffert  en  l'infirmite  de  sa  chair,  ainsi  il  est  ressuscite  en  la  vertu  de  soji  Esprit:  et  comme  il  a  endure  pour  nos  pechez  afin  que  nous  fussions  quittes  devant  Dieu,  aussi  il  est  ressuscite  pour  nostre  iustice:  quand,  diie,  nous  scavons  tout  cela,  que  d'un  tant  plus  grand  courage  nous  venions  franchement  a  luy:  et  que  nous  ne  doutions  point,  quand  il  luy  plaira  d'avoir  memoire  de  nous,  et  de  nous  tenir  cachez  sous  l'ombre  de  ses  ailes,  que  nous  pourrons  despiter  Satan,  la  mort  et  toutes  miseres,  et  nous  glorifier  en  nostre  infirmite.  Et  combien  que  selon  le  monde  nous  soyons  povrea  malotrus,  que  nous  ne  laissions  pas  toutesfois  de  nous  esiouir  en  Dieu,  du  goust  qu'il  nous  donne  par  la  foy  de  la  gloire  celeste  et  de  cest  heritage  qu'il  nous  a  si  cherement  acquis  et  duquel  nous  ne  pouvons  pas  estre  frustrez  en  esperant.  Or  nous-nous  prosternerons  devant  la  maieste  de  nostre  bon  Dieu,  etc.  SEPTIEME  SERMON.  MATTH.  Ch.  XXVII.  45.  Et  depuis  six  heures  il  y  eut  tenebres  sur  toute  la  terre  iusqu'a  neuf  heures.  46.  Et  environ  neuf  heures  Iesus  cria  a  haute  voix}  disant,  EU,  Eli,  lamma  sabacthani?  c'est  a  dire,  Mon  Dieu,  mon  Dieu,  pourquoi/  m'as-tu  delaisse?  47.  Et  aucuns  de  veux  qui  estoyent  la  presens,  ayans  ouy  cela,  disoyent,  Calvini  opera.  Vol  XLVI,  II  appelle  Elie.  48.  Et  incontinent  Vun  d'eux  courut,  et  print  une  esponge,  et  V  ayant  emplie  de  vinaigre,  la  meit  sur  un  roseau,  et  luy  en  donna  a  boire.  49.  Les  autres  disoyent,  Laisse,  voyons  si  Elie  viendra  le  delivrer.  50.  Lors  Iesus  criant  derechef  a  haute  voix,  rendit  V  Esprit.  51.  Et  voyla  le  voile  du  Temple  se  rompit  en  deux,  depuis  le  haut  iusques  au  bas:  et  la  terre  s'esmeut,  et  les  pierres  se  fendirent.  52.  Et  les  58