46:913  913  DE  LA  PASSION.  914  donc  il  voit  ces  choses  qui  le  peuvent  destourner  du  Fils  de  Dieu,  et  qui  luy  peuvent  faire  conclure  que  ce  n'est  sinon  un  abus  et  une  mocquerie  de  se  fier  en  luy  :  et  tant  y  a  qu'il  l'appelle  Roy,  le  voyant  en  sa  mort.  Que  tu  me  sauves,  dit-il,  que  tu  me  donnes  vie:  car  quand  il  te  souviendra  de  moy,  voyla  ou  gist  toute  ma  felicite.  Or  quand  nous  aurons  bien  poise  toutes  ces  circonstances,  il  est  certain  que  la  foy  qui  a  este  en  ce  brigand  a  este  aussi  excellente  qu'elle  a  este  en  homme  qui  a  iamais  vescu.  Et  pourtant  n'ayons  point  honte  d'estre  ses  disciples,  car  de  faict  la  mort  de  nostre  Seigneur  Iesus  Christ  ne  nous  proufitera  pas  sinon  que  nous  soyons  comme  damnez  en  nous-mesmes,  afin  d'obtenir  salut  en  luy:  et  nous  ne  pouvons  pas  estre  absous  devant  Dieu,  sinon  que  nous  ayons  confesse  qu'il  n'y  a  en  nous  que  toute  iniquite  et  ordure.  Puis  qu'ainsi  est  donc  que  nous  sommes  coulpables  devant  Dieu,  et  que  nostre  conscience  propre  nous  iuge  et  condamne,  n'ayons  honte  d'ensuyvre  ce  brigand,  voyans  qu'il  nous  peut  estre  un  bon  maistre.  Et  mesmes  maintenant  que  nostre  Seigneur  Iesus  est  monte  au  ciel,  qu'il  a  prins  possession  de  la  gloire  qui  luy  a  este  donnee  de  Dieu  son  Pere,  afin  que  tout  genouil  soit  ploye  devant  luy,  ne  doutons  pas  de  nous  remettre  plenement  a.ea  garde,  ��t  conclure  que  voyla  ou  gist  toute  nostre  felicite,  ascavoir  que  Iesus  Christ  ait  memoire  de  nous  et  qu'il  nous  gouverne:  et  d'autant  qu'il  nous  a  este  ordonne  pour  pasteur,  qu'il  veille  pour  nostre  salut,  afin  que  nous  soyons  garentis  sous  sa  main  et  sous  sa  protection.  Et  au  reste  que  nous  apprenions  de  porter  patiemment  les  miseres  de  ceste  vie  presente,  et  que  cela  ne  nous  destourne  pas  de  venir  a  nostre  Seigneur  Iesus  Christ.  Le  brigand  a  este  exauce,  comme  nous  voyons:  cependant  il  n'a  pas  laisse  d'endurer  la  mort,  qui  estoit  fort  dure  et  espovantable.  Ainsi  donc  que  nous  estimions  tellement  la  grace  spirituelle  qui  nous  a  este  donnee  en  nostre