46:912  grand  iusques  au  plus  petit  nous  sommes  tous  coulpables  devant  Dieu.  Et  si  tous  ensemble  nous  endurons,  qui  est-ce  qui  se  vantera  de  son  innocence?  qui  est  celuy  qui  se  pourra  absoudre?  Estans  donc  plongez  en  condamnation,  nous  endurons  iustement  pour  nos  pechez:  cependant  toutesfois  nous  n'en  faisons  pas  tous  egalement  confession:  car  il  y  en  a  qui  empirent  tant  plus,  et  leur  rebellion  qu'ils  ont  contre  Dieu  se  manifeste:  ils  grincent  les  dents,  ils  escument  leur  rage  et  cruaute:  et  ne  veulent  nullement  venir  a  ceste  condamnation.  Ou  bien  ils  prenent  le  frein  aux  dents  et  monstrent  une  contumace,  pour  dire  que  Dieu  ne  gaignera  point  et  qu'il  n'aura  nulle  maistrise  par  dessus  eux.  Or  concluons  que,  quand  les  povres  pecheurs  se  recognoissent,  qu'ils  s'humilient,  qu'ils  confessent  la  dette,  qu'ils  donnent  la  gloire  a  Dieu,  declarans  qu'il  les  traitte  en  toute  equite  et  droiture,  et  que  c'est  bien  raison  qu'ils  souffrent  d'estre  ainsi  chastiez:  quand,  di-ie,  les  povres  pecheurs  sont  attirez  a  telle  raison,  cognoissons  que  Dieu  y  a  mis  la  main,  qu'il  les  a  touchez  par  son  sainct  Esprit,  et  que  la  on  peut  contempler  une  bonte  infinie,  quand  il  retire  ainsi  de  perdition  et  d'enfer,  ceux  qui  estoyent  desia  comme  desesperez.  Or  en  somme  nous  voyons  en  la  personne  de  ce  povre  brigand  un  exemple  de  foy  qui  est  aussi  excellent  que  iamais  il  y  en  a  eu.  Et  tant  plus  devons-nous  estre  ravis  et  estonnez  d'un  tel  miracle  que  Dieu  a  fait.  Car  en  quel  estat  est-il?  Le  voyla  prochain  de  la  mort,  il  endure  des  tormens  horribles,  il  attend  qu'on  luy  viene  rompre  et  casser  les  os,  qu'il  soit  la  desmembre,  qui  est  encores  un  torment  si  aspre  et  espovantable  que  c'est  pour  luy  faire  perdre  sens  et  memoire:  il  voit  nostre  Seigneur  Iesus  qui  est  la  perdu  comme  luy,  voire  avec  plus  grand  opprobre:  et  cependant  comment  parle-il?  Non  seulement  il  recognoist  ses  fautes  pour  s'humilier  devant  Dieu,  non  seulement  il  exerce  office  de  docteur  pour  reduire  son  compagnon  et  le  ramener  au  bon  chemin,  mais  il  fait  une  confession  qui  merite  d'estre  preferee  a  toutes  les  autres,  si  nous  regardons  bien  telles  circonstances:  Qu'il  te  souviene  de  moy,  dit-il,  quand  tu  seras  en  ton  'Royaume.  Comment  est-ce  qu'il  peut  concevoir  un  Royaume  en  Iesus  Christ?  Il  est  la  perdu  au  bois,  il  est  maudit  et  de  Dieu  et  des  hommes.  Car  ceste  sentence  de  la  Loy  avoit  este  prononcee  de  la  bouche  de  Dieu:  Maudit  soit  celuy  qui  pendra  au  bois.  Et  cela  ne  s'est  pas  fait  de  cas  d'aventure,  que  Dieu  y  ait  mis  son  Fils  unique.  Quand  donc  il  voit  Iesus  Christ  estre  la  en  malediction,  et  devant  Dieu  et  devant  les  hommes,  voire  comme  abysme  en  desespoir  quant  au  regard  humain,  il  ne  peut  pas  arrester  son  sens,  pour  dire  que  Iesus  Christ  soit  Roy,  sinon  en  foy  et  en  esprit.  Ainsi