46:911  911  SERMONS  912  l'Esprit  de  Dieu,  quand  il  donne  telle  instruction  a  ceux  qui  ont  este  du  tout  esgarez,  voire  abbrutis:  que  non  seulement  ils  recognoissent  leurs  fautes,  et  se  rangent  pour  obtenir  grace,  mais  qu'ils  puissent  quant  et  quant  parler  comme  docteurs,  et  gens  qui  de  long  temps  auroyent  este  exercez  en  l'Escriture  saincte.  Car  la  principale  remonstrance  que  nous  pourrons  faire  a  un  homme  ainsi  endurci,  et  qui  ne  laisse  pas  encores  de  se  tempester  a  l'encontre  de  Dieu,  quand  il  doit  plier  et  venir  a  repentance,  n'est-ce  pas  celle  que  fait  yci  ce  povre  brigand?  Mais  quoy  qu'il  en  soit,  une  telle  admonition  n'a  rien  proufite  sinon  pour  rendre  inexcusable  celuy  qui  estoit  ainsi  possede  de  Satan.  Si  elle  n'a  rien  servi  envers  celuy  auquel  elle  s'addressoit,  si  faut-il  qu'elle  nous  soit  auiourd'huy  utile.  Ainsi  apprenons  de  craindre  Dieu,  encores  qu'il  nous  espargne  :  mais  surtout  si  nous  sommes  batus  de  ses  verges,  et  qu'il  nous  face  sentir  qu'il  est  offense  contre  nous,  qu'alors  nous  soyons  tant  plus  touchez  pour  gemir,  et  que  nous  ayons  aussi  constance  d'endurer  patiemment  nos  afflictions,  comme  nous  voyons  qu'a  fait  le  povre  brigand:  et  ne  point  nous  eslever  en  orgueil  et  furie  comme  l'autre.  Qui  plus  est,  en  ces  deux  nous  voyons  comme  des  rairoirs  de  tout  le  genre  humain:  car  nous  voyons  les  miseres  ausquelles  nous  sommes  enveloppez.  Ceste  vie  est  comme  un  abysme  de  toutes  povretez,  et  ce  sont  les  fruits  de  nos  pechez:  car  nous  avons  este  privez  de  la  benediction  de  Dieu  en  la  cheute  d'Adam.  Vray  est  qu'encores  Dieu  par  sa  bonte  inestimable  surmonte  ceste  malediction-la,  quand  il  se  declare  tousiours  Pere  en  beaucoup  de  sortes,  et  nous  fait  sentir  sa  douceur  et  l'amour  qu'il  nous  porte,  et  le  soin  qu'il  ha  de  nous.  Mais  tant  y  a  que  nous  avons  beaucoup  de  marques  de  nos  pechez,  et  que  haut  et  bas  nous  devons  appercevoir  que  nous  sommes  maudits  de  Dieu:  la  mort  finalement  est  commune  a  tous.  Quand  nous  aurons  langui  en  ce  monde,  que  nous  aurons  este  tous  suiets  a  beaucoup  de  maladies,  a  chaud  et  a  froid,  que  nous  aurons  este  tormentez  en  une  sorte  et  en  l'autre,  brief,  que  nous  aurons  endure  des  miseres  infinies,  quelle  en  sera  l'issue?  Il  nous  faut  retourner  en  pourriture  et  en  poudre.  Or  cependant  nous  en  voyons  les  uns  qui  sont  touchez  de  Dieu,  en  sorte  que  les  afflictions  qu'ils  endurent  leur  servent  a  salut,  et  leur  tournent  en  aide:  comme  S.  Paul  en  parle  au  8.  ch.  des  Romains.  Les  autres  empirent:  et  en  lieu  de  s'humilier  et  d'estre  touchez  de  quelque  repentance,  ne  font  que  s'envenimer  tant  plus,  et  quant  et  quant  provoquent  l'ire  de  Dieu,  et  allument  le  feu  d'avantage  pour  y  estre  consumez.  Nous  voyons  donc  cela.  Ainsi  que  nous  iettions  les  yeux  sur  ces  deux  brigans  comme  sur  des  miroirs  de  tout  le  monde:  car  depuis  le  plus