46:910  ques  aux  malfaiteurs.  Car  quand  on  Fa  perdu  au  milieu  de  deux  brigans,  c'a  este  afin  d'aggraver  tant  plus  l'ignominie  de  sa  mort.  Il  est  vray  que  c'estoit  le  lieu  la  ou  on  avoit  accoustume  d'executer  les  malfaiteurs.  Tant  y  a  qu'on  ne  s'est  point  contente  d'un  tel  opprobre:  mais  il  a  falu  qu'il  fust  estime  pire  et  plus  detestable  que  tous  les  brigans  du  monde,  quand  on  en  met  la  deux  a  ses  deux  costez,  pour  dire  qu'il  est  le  principal  de  tous.  Et  en  cela,  comme  dit  S.  Marc,  a  este  verifie  ce  qui  est  dit  par  le  Prophete,  qu'il  a  este  repute  entre  les  iniques.  Or  sans  ceste  reputation  auiourd'huy  en  quel  lieu  et  degre  serions-nous  devant  Dieu?  Car  nous  ne  pouvons  obtenir  grace  sans  iustice.  Il  faut  que  Dieu  nous  haysse  et  nous  reiette,  iusques  h  ce  que  nous  soyons  iustes  et  purgez  de  toutes  macules  et  offenses  devant  luy.  Et  qu'ainsi  soit,  Dieu  se  peut-il  renoncer  soy-mes  ro  es?  Se  peutil  despouiller  de  sa  sainctete,  iustice  et  integrite?  Cependant  donc  que  nous  apportons  devant  luy  nos  souillures,  il  faut  que  nous  luy  soyons  abominables.  Or  maintenant  comment  serons-nous  iustifiez  devant  Dieu,  sinon  Qu'autant  que  nostre  Seigneur  Iesus  Christ  a  este  repute  entre  les  malfaiteurs?  Nous  sommes  donc  exemptez  de  ce  rang,  et  Dieu  nous  recoit,  et  nous  ha  agreables  comme  si  nous  estions  du  tout  purs  et  innocens,  d'autant  que  nostre  Seigneur  Iesus  a  souffert  d'estre  en  telle  ignominie  et  vergongne  devant  les  hommes.  Voyla  en  somme  se  que  nous  avons  a  retenir  des  brigans.  Mais  il  nous  faut  insister  pour  la  fin  sur  le  recit  de  S.  Luc,  c'est  que  l'un  des  brigans  reprend  son  compagnon,  quand  il  le  voit  ainsi  obstine.  Comment?  (dit-il)  et  ne  seroit-il  pas  temps,  ou  iamais,  que  tu  fu8ses  humilie?  Car  te  voy  ci  en  la  condamnation  et  au  supplice  que  tu  endures  pour  tes  forfaits  et  pour  tes  crimes:  tu  es  un  homme  plonge  en  toute  malediction,  et  encores  que  tout  le  temps  de  ta  vie  tu  ayes  este  si  abbruti  de  te  plaire  en  tes  fautes,  si  faut-il  que  maintenant  tu  commences  a  gemir.  Car  un  homme,  quelque  desborde  qu'il  soit,  encores  qu'il  s'esgaye  tout  le  temps  de  sa  vie,  et  qu'il  ne  pense  point  iamais  venir  a  comte,  qu'il  se  mocque  de  la  iustice,  et  mesmes  qu'il  la  despite,  d'autant  qu'il  cuide  demourer  impuni,  si  est-ce  que,  quand  ii  est  saisi,  il  faut  qu'il  abbaisse  son  cacquet.  Or  te  voyci  (dit-il)  en  grans  tormens:  tu  vois  que  Dieu  et  les  hommes  maintenant  t'amenent  a  comte:  aussi  ta  conscience  te  redargue  que  c'est  pour  tes  crimes  que  tu  endures:  et  faut-il  encores  que  tu  despites  Dieu?  Voyci  une  sentence  qui  monstre  bien  que  ce  brigand  avoit  este  enseigne  de  l'Esprit  de  Dieu.  Combien  que  nous  en  verrons  tantost  d'avantage  sans  comparaison:  si  est-ce  que  desia  en  ce  mot  nous  pouvons  iuger  quel  maistre  c'est  que