7:91  91  BRIEVE  INSTRUCTION  92  blasphemes  beaucoup  plus  desordonnes.  Le  gouvernement,  [page  86]  disent-ilz,  des  Magistratz,  est  selon  la  chair:  et  celuy  des  Chrestiens  selon  l'esprit.  Il  me  semble  advis  que  i5oy  le  Pape  Syrice  blasphemant  contre  le  sainct  mariage.  Car  il  use  de  ces  propres  termes.  Mais  ce  n'est  encore  rien  au  pris  de  ce  qui  s'ensuit.  L'habitation  des  Magistratz,  disent-ilz,  est  permanente  en  ce  monde  :1)  celle  des  Chrestiens  aux  cieux.  Et  choses  semblables.  2)  Ie  vous  prie,  au  Nom  de  Dieu,  tous  vrais  fideles,  et  vous  admonneste  de  bien  considerer  ce  qu'ont  dict  sainct  Pierre  et  sainct  Iude  d'aucuns  corrupteurs,  qui  desia  de  leur  temps  pervertissoyent  la  foy  des  simples:  et  faire  comparaison  de  leurs  parolles  avec  les  propoz  que  ie  viens  de  reciter  des  Anabaptistes.  Ie  ne  vous  dy  autre  chose,  sinon  que  chacun  verra,  qu'en  ce  poinct  l'une  des  sectes  ne  differe  en  rien  d'avec  les  autres.  Mais  pource  que  chacun  n'a  pas  les  livres  en  main,  i'adiousteray  icy  les  passages.  Le  premier  dit  ainsi:  Ilz  seront  audacieux  et  hautains,  mesprisans  les  seigneuries,  et  n'ont  point  de  honte  de  blasphemer  contre  les  dignites,  semblables  aux  bestes  brutes,  vituperans  les  choses  qu'ilz  ne  congnoissent  (2  Pierre  2,  10.  12).  Et  sainct  Iude  (v.  8  suiv.):  Ilz  reiectent,  dit-il,  les  seigneuries,  et  blasphement  contre  les  dignites.  Or  Michel  Archange  plaidant  du  [page  87]  corps  de  Moyse  contre  le  Diable,  n'osa  point  prononcer  sentence  de  vitupere  contre  luy:  mais  dict:  Que  Dieu  te  reprime,  Sathan.  Quant  a,  ceux  cy,  ilz  detractent  de  tout  ce  qu'ilz  ne  congnoissent:  et  ce  qu'ilz  apprehendent  par  leur  sens  naturel,  comme  bestes  brutes,  en  cela  ilz  se  corrompent.  Voila  les  motz  des  Apostres:  lesquelz  competent  si  proprement  a  noz  Anabaptistes  d'auiourd'huy,  qu'il  semble  bien  advis  que  elles  ayent  este  dictes  d'eux  par  expres.  De  ce  qu'ilz  disent,  que  l'habitation  des  Princes  est  permanente  au  monde:  combien  de  foys  David  les  dement-il  en  cela,  protestant  que  sa  meditation  estoit  totalement  a  tendre  et  aspirer  a  la  vie  spirituelle?  H  est  bien  certain,  qu'aussi  les  autres  bons  Roys  ont  faict  le  semblable.  Dieu  commande  a  Daniel  d'exercer  son  office  de  gouvernement  terrien  en  la  court  du  Roy  de  Perse  (Dan.  12,  9.  13):  en  attendant  les  choses  qui  luy  avoyent  este  revelees,  et  finalement  le  iour  de  la  resurrection.  Et  Moyse,  Prince  des  Prophetes,  n'a  pas  laisse  d'avoir  sa  conversation  au  ciel  en  esperance  et  desir:  combien  que  cy  bas  il  eust  le  gouvernement  civil  du  peuple.  Ie  metz  donc  en  barbe  aux  Anabaptistes,  Moyse,  David,  Ezechias,  Iosias,  Ioseph,  Daniel,  tous  les  Roys  et  Iuges  d'Israel,  a  ce  qu'ilz  [page  88]  1)  tantummodo  in  hoo  mundo  est.  2)  et  choses  semblables,  manque  dans  le  latin.