58:91  91  SIXIEME  SERMON  92  que  si  Dieu  nous  retranche  nos  morceaux,  mesme  que  nous  soions  du  tout  privez  de  nourriture  qu'il  semble  quil  nous  vueille  exciure  de  tous  les  biens  qu'il  a  creez  en  ce  monde,  comme  si  nous  n'estions  pas  dignes  d'estre  sur  la  terre:  encores  faut-il  surmonter  ceste  tentation  la,  et  conclure,  qu'encore  au  milieu  de  la  famine,  Dieu  nous  sera  pere:  et  nous  contentons  de  cela,  nous  esiouissans  en  nos  angoisses.  Or  cependant  nous  sommes  aussi  exhortez  par  l'exemple  d'Isaac,  de  ne  point  estre  faschez  ni  ennuyez  de  la  famine,  ne  d'autres  afflictions,  en  sorte  que  ce  soit  pour  nous  faire  quitter  Dieu,  ou  pour  nous  destourner  du  chemin  auquel  Dieu  nous  a  mis.  Car  comme  nous  avons  veu,  que  Iacob  a  laisse  son  repas,  pour  aspirer  a  l'heritage  spirituel  qui  lui  avoit  este  promis:  aussi  maintenant  nous  voions  qu'Isaac  n'a  point  regarde  ce  qu'il  pourroit  souffrir  par  si  longue  espace  de  temps.  Il  void  Egypte  qui  estoit  un  bon  refuge,  neantmoins  il  s'en  est  detourne.  Et  pourquoy?  D'autant  que  Dieu  lui  avoit  defendu  d'y  aller.  Ainsi  donc,  quand  nous  voions  qu'Isaac  n'a  point  este  vaincu  par  la  famine,  qu'il  n'obeisse  k  Dieu,  et  qu'il  ne  se  laisse  guider  par  sa  main:  par  cela  nous  avons  aussi  a  apprendre,  quand  nostre  Seigneur  nous  voudra  affliger  de  povrete  et  de  disette,  que  nous  ne  regardions  pas  a  des  moyens  illicites,  pour  subvenir  a  nostre  necessite,  et  sur  tout,  si  Satan  nous  propose  des  appasts  pour  nous  attirer  que  nous  aimions  mieux  mourir  de  faim  (si  besoin  estoit)  que  de  nous  retirer  de  la  conduite  de  Dieu  :  veu  que  nous  ne  pouvons  estre  nourris  que  par  sa  benediction.  Car  quand  nous  aurions  tout  le  pain  du  monde,  et  toutes  les  viandes,  il  est  certain  que  le  vent  nous  profiteroit  autant  pour  nostre  nourriture,  que  cela,  et  nous  ne  ferions  que  nous  crever,  et  cependant  nous  ne  serions  point  substantez:  car  ce  n'est  pas  le  pain  qui  nous  nourrit:  comme  il  est  dit  en  Moise,  C'est  la  parole  qui  procede  de  la  bouche  de  Dieu.  Or  par  ceste  Parole,  il  n'entent  pas  la  doctrine  de  salut,  mais  ceste  vertu  que  Dieu  espand  sur  ses  creatures.  Voila  donc  ce  qui  nous  nourrit:  ie  ne  di  pas  seulement  quant  a  l'ame,  mais  aussi  pour  ceste  vie  caduque.  Puis  qu'ainsi  est,  gardons-nous  bien  d'estre  appastez  par  ce  que  le  diable  nous  propose  quand  nous  sommes  en  necessite,  et  tu  pourrois  faire  ceci,  et  tu  pourrois  retourner  la,  et  tu  aurois  un  tel  secours:  voire,  si  cela  est  contre  la  volonte  de  Dieu,  que  nous  demeurions  fermes,  et  que  nous  attendions  que  Dieu  se  monstre  pitoyable  envers  nous:  comme  il  en  sait  le  moyen,  encore  qu'il  nous  soit  incogneu.  Il  est  vray  que  nous  n'aurons  pas  des  revelations  telles  qu'a  eu  nostre  pere  Isaac,  Dieu  ne  nous  apparoistra  Eas  du  ciel:  mais  il  nous  doit  suffire  que  auiourd'hui  i  volonte  de  Dieu  nous  est  certaine:  car  Dieu  a  supplee  a  ce  qui  defailloit  aux  Peres  anciens,  quand