51:91  91  SERMONS  Or  sainct  Paul  dit  iei  que  Dieu  ne  sera  point  moque.  Comme  s'il  disoit  que  ceux  qui  s'abusent  ainsi  en  leurs  excuses  frivoles,  qu'ils  sont  trompeurs,  voire  et  qu'ils  sont  pleinement  moqueurs  de  Dieu:  car  si  nous  apportions  a  Dieu  une  telle  reverence  qu'il  appartient,  il  est  certain  qu'en  nous  adiournant  devant  sa  maieste,  nous  sondrions  iusques  au  profond  de  nos  pensees  et  affections  qu'il  n'y  auroit  rien  qui  ne  fust  examine  au  vif.  Tous  ceux  donc  qui  se  font  si  bon  marche  quand  il  est  question  de  venir  devant  Dieu  comme  s'il  estoit  un  petit  enfant,  et  qu'ils  se  peussent  iouer  avec  luy,  monstrent  par  cela  qu'ils  sont  pleins  d'impiete.  Nous  voyons  donc  maintenant  combien  ce  passage  nous  est  utile  quand  sainct  Paul  ayant  exhorte  que  les  hommes  ne  se  trompent  point,  adiouste,  Dieu  ne  peut  estre  moque.  Il  semble  que  ceci  ne  vient  point  a  propos.  Et  bien,  si  nous  sommes  trompez,  s'ensuit-il  pourtant  que  nous  soyons  moqueurs  de  Dieu  ?  Ouy,  dit  sainct  Paul.  Et  qu'ainsi  soit,  vous  cerchez  des  vains  subterfuges  et  vous  y  addonnez.  Or  si  vous  regardiez  droitement  au  faict,  et  que  vous  ne  fussiez  point  enveloppez  en  vostre  malice,  il  est  certain  que  vous  auriez  un  iugement  plus  droit  que  vous  n'avez  pas.  Qui  est  cause  donc  de  vous  faire  endormir  en  vos  excuses  si  frivoles  ?  C'est  que  vous  ne  cognoissez  pas  qu'il  nous  faut  tous  trouver  devant  le  siege  iudicial  de  Dieu:  que  c'est  luy  qui  sonde  les  pensees,  auquel  rien  n'est  cache.  Or  vous  le  tenez  ainsi  qu'un  idole  :  vous  luy  faites  accroire  qu'il  se  contentera  de  vos  befleries:  et  quand  vous  aurez  abuse  les  hommes  et  vous  en  serez  mocque,  il  vous  semble  que  Dieu  est  de  leur  reng,  et  encores  vous  usez  d'une  audace  plus  grande  envers  luy.  Ainsi  il  est  certain  que  tous  ceux  qui  se  flattent  et  cerchent  des  eschappatoires,  sont  infideles,  et  la  chose  se  monstre  qu'ils  sont  pleinement  moqueurs  de  Dieu.  Or  combien  que  ce  mot  soit  bref:  tant  y  a  qu'il  nous  doit  faire  trembler  autant  que  si  nous  oyons  un  grand  tonnerre,  ou  que  nous  vissions  la  foudre  tomber  d'en  haut.  Et  de  faict  est-ce  un  vice  a  pardonner  quand  les  hommes  qui  ne  sont  que  pourriture  se  dressent  ainsi  a  l'encontre  de  Dieu,  voire  pour  se  moquer  de  luy?  Or  nous  scavons  que  c'est  la  plus  grande  contumelie  qu'on  puisse  faire  a  un  homme  que  de  l'avoir  ainsi  en  risee.  Si  cela  est  insupportable  entre  nous  qui  ne  sommes  rien,  Dieu  souffrira-il  d'estre  moque?  Sainct  Paul  donc  nous  a  bien  ici  donne  occasion  de  regarder  a  nous  de  pres,  et  de  cheminer  en  simplicite,  et  de  ne  point  user  de  nos  gaudisseries,  pensans  par  ce  moyen  amender  nostre  marche  veu  que  Dieu  est  provoque,  comme  si  nous  le  deffions,  comme  si  nous  le  voulions  despouiller  de  son  droit  et  luy  faire  accroire  qu'on  luy  peut  tirer  le  nez  et  luy