50:91  91  EPIST.  PAULI  AD  CORINTHIOS  II  92  magis  quam  confidenter  se  excusat.  Excusant  etiam  se  hypocritae,  imo  superciliose  defendunt:  sed  potius  ut  cum  Deo  litigent  quam  ut  cum  ipso  redeant  in  gratiam.  Ac  si  cui  magis  placeat  excusationis  nomen,  non  improbo:  quia  eodem  redibit  sensus,  Corinthios  ad  se  purgandum  inductos  fuisse,  quum  prius  susque  deque  Pauli  iudicium  ducerent  Imo  indignationem.  Hic  etiam  affectus  comitatur  sanctam  tristitiam,  ut  peccator  adversus  sua  vitia  seque  adeo  ipsum  excandescat:  sicuti  etiam  quicunque  recto  zelo  sunt  praediti,  quoties  Deum  offendi  vident,  excandescunt.  Est  autem  affectus  hic  vehementior  quam  tristitia.  Nam  primus  est  gradus,  ut  nobis  malum  displiceat.  Secundus,  ut  iracundia  accensi  nobis  acriter  instemus,  ut  seriam  punctionem  sentiant  conscientiae.  Quamquam  hic  accipi  potest  indignatio,  qua  excanduerant  Corinthii  adversus  unius  vel  paucorum  delicta,  quibus  ante  indulserant.  Ita  poenitebat  eos  sui  consensus  vel  suae  dissimulationis.  Timor  est  ex  sensu  iudicii  divini,  dum  cogitat  peccator:  En  reddenda  tibi  est  ratio:  et  quid  afferes  coram  tanto  iudice?  Tali  enim  cogitatione  perculsus  expavescit.  Quia  autem  tanguntur  simili  pavore  interdum  etiam  impii,  subiungit  desiderium:  quem  affectum  magis  voluntarium  esse  constat  quam  sit  timor.  Timemus  enim  saepe  inviti,  nunquam  desideramus  nisi  sponte.  Ergo  ut  Pauli  monitu  poenam  horruerant  :  ita  alacriter  adspirabant  ad  correctionem.  Sed  quid  per  zelum  intelligemus?  non  dubium  quin  voluerit  gradatim  augere.  Plus  ergo  exprimit  quam  desiderium.  Possumus  autem  intelligere  quod  certatim  mutua  aemulatione  se  incitabant.  Sed  hoc  simplicius,  quod  quisque  magno  studii  fervore  contenderet  ad  poenitentiae  approbationem.  Ita  zelus  est  contentio  desiderii.  Imo  vindictam.  Quod  de  indignatione  diximus,  etiam  ad  vindictam  extendi  debet.  Nam  cuius  flagitii  sua  dissimulatione  et  indulgentia  fuerant  fautores,  eius  se  postea  severos  vindices  praestiterant.  Tulerant  aliquamdiu  incestum:  admoniti  autem  a  Paulo,  non  tantum  desierant  ilii  favere,  sed  rigidi  fuerant  censores  in  illo  castigando.  Haec  erat  vindicta.  Caeterum  quia  peccata  debemus  ulcisci  ubicunque  sint,  neque  id  modo,  sed  a  nobis  potissimum  incipere  :  latius  patet  quod  hic  dicit  apostolus:  loquitur  enim  de  signis  poenitentiae.  Hoc  unum  est  insigne  inter  reliqua,  dum  peccata  vendicando  Dei  iudicium  quodammodo  antevertimus.  Quemadmodum  alibi  (1.  Cor.  l  l  ,  31)  docet:  Si  nos  iudicaremus,  non  iudicaremur  utique  a  Domino.  Neque  tamen  hinc  colligendum  est,  homines  vendictam  a  se  exigendo  compensare  poenas  Deo  debitas,  ut  ab  eius  manu  se  redimant.  Sed  ita  res  habet,  quum  Dei  consilium  sit,  nos  castigando,  securitatem  nobis  excutere,  ut  de  ira  eius  commonefacti  caveamus  nobis  in  posterum  :  quum  spontaneam  ultionem  peccator  ipse