44:91  91  IN  HAGGAEUM  92  vestram,  et  ego  sufflavi  in  illud.  Quum  dicit  eos  intulisse  domum,  significat  repositum  fuisse  quod  sibi  acquisierant,  ut  esset  quasi  in  tuta  custodia.  Nam  qui  horreum  suum,  et  cellam  vinariam  et  crumenam  impleverunt,  putant  iam  sibi  nihil  esse  cum  Deo  negotii.  Hinc  fit  ut  tam  secure  luxurientur  profani  homines,  quia  existimant  se  esse  extra  periculum,  ubi  domus  ipsorum  bene  sunt  refertae.  Atqui  ostendit  Deus  exinanitas  fuisse  domos,  quum  tamen  plenae  essent  et  thesauris  et  annona.  Sed  expressius  etiamnum  loquitur,  quod  sufflaverit,  hoc  est,  quod  flatu  discusserit.  Neque  enim  satis  habuit  propheta  historice  narrare  quod  experti  erant  Iudaei:  sed  voluit  etiam  digito  monstrare  causam.  Docet  igitur  non  temere  evanescere  quidquid  domi  suae  reposuerant:  sed  hoc  fieri  Dei  flatu,  quia  scilicet  maledicat  ipsorum  benedictioni,  quemadmodum  postea  videbimus  suo  loco  apud  Malachiam.  Tandem  adiungit,  Quare  hoc?  dicit  Iehova  exercituum.  Hic  Deus  interrogat,  non  quod  dubitet  ipse,  sed  ut  hac  punctione  excitet  Iudaeos  a  sua  socordia,  hoc  est,  Reputate  causam,  et  agnoscite  manum  meam  non  ferri  caeco  impetu,  dum  vos  percutit.  Consideranda  igitur  est  vobis  ratio  cur  omnia  sic  vobis  diffluant  et  pereant.  Iterum  hic  mordaciter  coarguitur  stupor  populi,  quia  ad  malorum  causam  non  attendat.  Debebant  enim  ultro  sibi  esse  monitores.  Sed  Deus  occurrit,  quia  videt  eos  quasi  attonitos  iacere.  Propter  domum  meam,  inquit,  quia  deserta  est.  Hic  causam  assignat  Deus,  hoc  est,  ostendit,  etiamsi  nemo  ipsorum  cogitet  cur  sic  exarescant,  tamen  satis  clarum  esse  iudicium  suae  maledictionis,  quod  scilicet  templum  maneret  desertum.  Et  vos,  inquit,  curritis  quisque  in  domum  suam.  Alii  vertunt,  Vobis  placetis  quisque  in  domo  sua.  Nam  idem  est  verbum  quod  nuper  vidimus  HH").  Sed  significat  vel  capere  voluptatem  in  re  aliqua,  vel  etiam  interdum  currere.  Quisque  ergo  currit  in  domum  suam,  vel  quisque  sibi  placet  in  domo  sua.  Sed  videtur  melius  quadrare  contextui,  Currit  quisque  in  domum  suam.  Hic  enim  admonet  propheta  Iudaeos  tam  lentos,  et  pigros  esse  in  aedificando  templo,  quia  properent  ad  privatas  domos.  Hic  ergo  perstringit  eorum  fervorem,  quia  sic  intenti  erant  ad  exstruendas  domos  suas,  ut  nihil  esset  otii  ad  templum  aedificandum.  Haec  igitur  est  festinatio,  quam  propheta  accusat  et  condemnat  in  Iudaeis.  Hinc  rursus  colligimus,  diu  ipsos  cessasse  quum  iam  tempus  impletum  esset  aedificandi  sanctuarii.  Nam  quemadmodum  heri  attigimus,  qui  putant  anno  58  reversos  esse  Iudaeos,  et  tunc  nondum  defunctos  fuisse  illa  poena,  quam  minatus  erat  Ieremias,  nimis  turpiter  falluntur:  quia  hoc  modo  obscurant  gratiam  Dei:  imo  evertunt  omnem  promissionum  fidem,  quasi  temere  reversi  essent  Cyri  permissu,  quum  tamen  Iesaias  dicat  Cyrum  ministrum  fore  redemptionis