35:91  91  SERMON  CXXVI  92  son  amour  paternelle:  nous  monstrant  que  combien  que  nous  soyons  povres  et  miserables,  qu'il  n'y  ait  que  mort  et  damnation  en  nous:  toutes  fois  il  ne  nous  y  veut  pas  laisser,  mais  qu'il  nous  en  veut  delivrer  par  le  moyen  de  nostre  Seigneur  Iesus  Christ.  Or  nous-nous  prosternerons  devant  la  face  de  nostre  bon  Dieu,  etc.  LE  CENT  vlNGTSIXlEME  SERMON,  QUI  EST  LE  V.  SUR  LE  XXXIII.  CHAPITRE.  Ce  sermon  est  encores  sur  les  versets  23,  24,  25  et  sur  ce  qui  est  ici  adiouste.  26.  Il  priera  Dieu,  et  Vappaisera,  et  regardera  sa  face  en  triomphe,  et  sa  iustice  sera  rendue  a  l'homme.  Nous  vismes  hier,  quand  Dieu  nous  afflige,  que  par  ce  moyen  il  procure  nostre  salut,  combien  qu'il  ne  le  semble  pas.  Vrai  est  que  les  meschans  seront  aussi  bien  affligez  :  mais  ils  ne  se  font  qu'endurcir  et  despiter  contre  Dieu:  et  tant  s'en  faut  que  les  afflictions  leur  profitent,  que  c'est  pour  descouvrir  tant  plus  leur  iniquite,  et  l'amener  au  comble.  Mais  quand  Dieu  visite  ses  esleus,  il  les  matte  et  mortifie  en  telle  sorte  qu'ils  tremblent  devant  sa  maieste,  et  sont  confus,  et  sont  la  comme  a  demi  trespassez,  tellement  qu'il  n'y  a  plus  d'espoir  de  vie  quant  a  eux  et  quant  au  monde:  il  ne  leur  reste  sinon  que  Dieu  les  regarde  en  pitie.  Or  Eliu  expose  le  moyen  par  lequel  Dieu  fait  profiter  ses  chastimens  aux  fideles,  c'est  assavoir  quand  il  les  console  par  sa  bonte,  et  leur  declare  qu'il  est  prest  de  leur  pardonner  leurs  pechez:  car  combien  que  les  afflictions  nous  soyent  profitables,  et  nous  servent  de  medecines  (comme  il  en  fut  hier  traitte)  cela  neantmoins  n'apparoist  point  que  par  l'issue.  Or  l'issue  nous  est  ici  demonstree,  c'est  que  Dieu  nous  tend  la  main  en  nous  certifiant  qu'il  nous  veut  estre  propice,  quoi  qu'il  en  soit,  encores  qu'il  nous  ait  durement  traittez.  Notons  bien  donc  que  la  vie  de  nos  ames  consiste  en  la  parole  de  Dieu,  quand  il  lui  plaist  de  nous  rendre  tesmoignage  de  sa  misericorde  et  de  sa  bonte  envers  nous.  Et  afin  que  nous  prisions  ce  bien-la  comme  il  le  merite,  il  est  dit,  Que  celui  qui  nous  est  tesmoin  de  la  remission  de  nos  pechez,  est  comme  un  entre  mille^  qu'on  ne  trouvera  point  cela  a  l'aventure,  c'est  un  thresor  que  Dieu  reserve  a  ceux  que  bon  lui  semble.  Cependant  nous  avons  declare  que  Dieu  en  promettant  aux  hommes  qu'il  leur  pardonne  leurs  pechez:  baille  charge  et  commission  aux  Ministres  de  la  parole  de  Dieu  de  les  retirer  de  la