31:91  91  PSALMUS  VIII.  92  niat.  Itaque  duos  versus  contexere  necesse  est.  Rursum  tamen  Hebraicum  illud  *O,  adversative  exponi  posset  pro  quamvis,  hoc  sensu  :  Tametsi  in  coelesti  machina  incomparabilis  Dei  maiestas  refulget,  ac  merito  in  sui  intuitu  detinet  hominum  oculos:  peculiari  tamen  modo  gloriam  eius  in  tam  benigno,  quo  homines  prosequitur,  favore  spectari,  nec  sensus  hic  male  quadraret;  sequi  tamen  libuit  quod  magis  receptum  erat.  Caeterum  ad  notandum  prophetae  consilium  attentos  lectores  esse  convenit,  nempe  quod  hac  comparatione  ingentem  Dei  bonitatem  amplificat:  quia  mirum  sit  coeli  creatorem,  cuius  tam  sublimis  gloria  sursum  nos  in  sui  admirationem  rapit,  eousque  descendere  ut  curam  generis  humani  suscipere  dignetur.  Atque  haec  antithesis  ex  voce  tyiJX  colligitur,  quia  hominem  a  fragilitate  potius  quam  virtute  denominat.  Videmus  enim  miseros  homines  in  terra  reptando  vilissimis  quibusque  creaturis  esse  permistos,  merito  itaque  despicere  posset  eos  Deus  nulloque  loco  ducere,  si  rationem  haberet  dignitatis.  Ideo  interrogative  eorum  sortem  extenuat  propheta,  significans  inde  clarius  perspici  mirificam  Dei  bonitatem,  quod  tantus  opifex,  cuius  refulget  in  coelis  maiestas,  calamitosum  hoc  et  nullius  pretii  animal,  summa  gloria  ornare,  et  innumeris  opibus  locupletare  velit.  Neque  enim,  si  in  animo  erat  liberalitatem  suam  exercere,  necesse  ei  fuit  ex  pulvere  et  luto  deligere  homines,  quos  praeferret  aliis  omnibus  creaturis:  quia  suppetebat  in  coelis  materia.  Ergo  quisquis  non  stupescit  ad  hoc  miraculum,  plus  quam  ingratus  et  stupidus  est  :  huc  spectat  quod  coelos  vocat  Dei,  et  opera  digitorum  eius.  Qui  fit  enim  ut  ab  illa  tam  nobili  et  praeclara  opificii  sui  parte  egressus,  ad  nos  vermiculos  se  demittat,  nisi  ut  bonitatem  suam  magis  illustret?  Unde  etiam  colligimus  nimis  perperam  Dei  gratia  eos  abuti,  qui  ex  sua  praestantia  superbiendi  ansam  arripiuut.  Quasi  vero  aut  eam  adepti  sint  propria  industria,  aut  merito  eam  possideant:  ac  non  potius  sua  eos  origo  admoneat,  abiectis  alioqui  et  sordidis  prorsusque  indignis  esse  collatam.  Ergo  quidquid  in  nobis  honorificum  cernimus,  ad  gratuitum  Dei  favorem  celebrandum  sensus  nostros  excitet.  In  fine  quarti  versus,  pro  eo  quod  alii  vertunt  praeparare  vel  fundare,  reddere  visum  est  concinnare:  videtur  enim  respicere  propheta  ad  pulcherrimum  ordinem  quo  Deus  stellarum  positum  tam  apte  distinxit  et  cursum  moderatur.  Deum  memorem  esse  hominis  tantundem  valet,  ac  paterno  amore  hominem  complecti,  tueri  ac  fovere  sub  fide  sua:  et  providentiam  suam  ad  eum  usque  extendere.  *ipa  quia  omnes  fere  interpretes  pro  visitare  accipiunt,  nolui  ab  eis  discedere,  quum  sensus  optime  congrueret.  Quia  tamen  recordari  interdum  significat,  et  iteratio  eiusdem  sententiae  sub  diversis  verbis  frequenter  in