27:91  91  SERMON  LXXV.  92  a  luy  seul  la  sacrificature,  il  aura  toute  superiorite  :  et  que  serons  nous?  Ainsi  en  est-il,  qu'il  sembloit  a  ceux-ci  que  tout  estoit  perdu  pour  eux,  si  Dieu  dominoit.  Or  Dieu  veut  dominer  en  cest  ordre4a:  et  nous  voyons  aussi  qu'il  ne  derogue  en  rien  a  la  puissance  civile,  que  c'est  une  chose  toute  distincte,  et  que  mesmes  les  Magistrats  ne  peuvent  estre  mieux  maintenus  en  leur  principaute:  combien  que  Tordre  de  l'Eglise  de  Dieu  soit  spirituel,  qu'il  n'y  ait  point  la  punition  de  corps,  ni  amendes,  ni  prisons,  ne  choses  semblables,  mais  que  tout  se  rapporte  a  la  parolle,  et  aux  Sacremens.  Quand  cela  se  voit;  n'est-ce  pas  pour  establir  les  empires,  les  Royaumes,  les  Seigneuries  mieux  que  s'il  n'estoit  question  que  d'avoir  une  tyrannie  confuse,  et  la,  ou  il  n'y  auroit  rien  de  reserve  a  Dieu,  et  a  nostre  Seigneur  Iesus  Christ?  Cependant  ceux  qui  ont  tasche  de  tout  leur  pouvoir  de  renverser  un  tel  ordre,  ne  sont-ils  pas  venus  cracher  contre  Iesus  Christ,  pour  le  despitter?  Car  il  veut  regner  au  milieu  de  nous,  il  veut  mesmes  que  ce  royaume  soit  en  nous.  Or  quand  ii  choisit  les  siens,  et  qu'il  les  establit  la  afin  qu'en  son  nom  ils  gouvernent  son  Eglise:  n'est-ce  pas  une  ingratitude  trop  villaine,  de  dire:  Nous  n'accepterons  point  cela,  mais  nous  le  voulons  repousser?  Comme  ils  ont  voulu  faire  accroire,  que  le  Consistoire  estoit  une  chose  toute  separee  de  Geneve:  et  Dieu  nous  a  fait  ceste  grace,  que  c'est  un  membre  du  corps.  Venir  ainsi  desmembrer  Iesus  Christ,  et  ce  qu'il  veut  estre  conioint,  n'est-ce  point  se  dresser  manifestement  contre  luy?  Nous  voyons  donc  comme  ces  rebellions  sont  advenues  entre  nous.  Et  qui  en  est  coulpable?  Il  est  vray  qu'on  voit  les  chefs  de  la  sedition,  et  non  pas  seulement  qu'on  les  ait  apperceu  en  un  temps,  ou  pour  un  iour:  mais  cela  a  commence  il  y  a  sept  ou  huit  ans,  en  telle  sorte  qu'il  a  fallu  que  les  enfans  de  Dieu  gemissent,  et  souspirassent  sous  le  fardeau,  crians  helas,  et  demandans  que  Dieu  eust  pitie  de  sa  povre  Eglise,  la  voyans  en  telle  dissipation.  Les  choses  sont  allees  de  mal  en  pis,  et  puis  une  licence  a  apporte  l'autre,  qu'il  leur  a  semble  que  tout  leur  estoit  licite:  et  cependant  si  est-ce  qu'ils  ont  redouble  les  pointures  qu'ils  avoyent  senties  de  leur  mauvaise  conscience,  et  ont  regarde:  Comment?  nous  ne  pouvons  pas  tenir  bon,  si  ce  n'est  que  nous  ad  visions  de  nous  munir  et  d'un  tel  coste,  et  d'un  tel.  Sur  cela  ils  ont  fait  tousiours  provisions  nouvelles.  Et  en  quelle  sorte?  Machinans  toutes  trahisons,  et  desloyautez,  s'addonnans  a  toutes  meschantes  prattiques  pour  maintenir  ce  qu'ils  avoyent  mal  commence.  Or  nostre  Seigneur  en  la  fin  y  a  besongne.  Que  devons-nous  cognoistre?  Nous  sommes  coulpables:  car  combien  que  ceux-la  ayent  bataille  manifestement  contre  Dieu:  si  est-ce  qu'il