21:91  91  VIE  DE  CALVIN  92  combien  les  Papistes,  et  grands  et  petis  en  ce  Royaume-la  estoyent  acharnez  contre  luy.  Mais  il  ne  luy  chaloit  de  sa  personne,  pourveau  que  le  regne  de  Iesus  Christ  fust  avance.  Ceste  annee,  le  Vendredi  3.  iour  de  Fevrier,  ii  print  pour  les  sermons  ordinaires  de  sa  sepmaine  le  livre  des  Iuges:  apres  lequel  il  commenca  les  livres  de  Samuel  le  Vendredi  8.  iour  d'Aoust.  Quant  a  ses  escrits,  il  respondit  aux  calomnies  d'un  certain  nomme  Tielmann  Heshuse,*)  qui  avoit  barbouille  le  papier  pour  le  blasmer  et  renverser  la  pure  doctrine  touchant  la  matiere  de  la  Cene.  Ce  Tielman  Heshuse  s'est  si  fort  desborde2)  en  cest  endroit,  que  M.  Philippes  Melanchthon  a.  este  contraint  de  le  taxer  nommement  comme  un  opiniastre,  en  respondant  au  Conte  Palatin  Frederich  qui  desiroit  de  savoir  sa  doctrine  touchant  la  Cene,  laquelle  response  a  este  imprimee  a  iieydelbergue.  Au  reste  pource  que  ceste  annee-la  Valentin  Gentil,  duquel  il  a  este  parle  ci  dessus,  ou  un  autre  en  son  nom  avoit  fait  imprimer  a  Lion  un  petit  livret  en  Latin  contenant  plusieurs  propositions  heretiques  et  blasphemes  contre  la  saincte  Trinite:  Calvin  fit  imprimer  une  response  a  iceluy  livre,  et  par  mesme  moyen  aussi  mit  en  lumiere  la  procedure  qui  avoit  este  tenue  contre  ledit  Valentin  Gentil  en  ceste  ville,  tant  en  l'Eglise  Italienne,  qu'en  la  prison  devant  Messieurs:  et  comment  ayant  ici  fait  protestation  publique  de  renoncer  a.  tous  ses  erreurs,  il  y  estoit  neantmoins  retourne  depuis,  comme  malheureux  blasphemateur  et  periure.  Lors  aussi  furent  imprimees  ses  lecons  sur  Daniel,  lesquelles  il  dedia  a  tous  les  fideles  de  France  qui  desiroyent  l'avancement  du  regne  de  Christ  en  ce  Royaume-la.  En  l'epistre  qu'il  leur  escrit  a  ceste  fin,  on  peut  dire  qu'il  a  este  vrayement  Prophete.  Car  combien  qu'il  y  eust  lors  grande  apparence  que  la  vraye  Eglise  auroit  quelque  tranquilite  en  France,  et  qu'il  y  auroit  grande  liberte  de  prescher  la  pure  doctrine  de  l'Evangile  (c'estoit  au  mois  d'Aoust,  et  environ  le  temps  de  l'assemblee  de  Poissi)  toutesfois  apres  leur  avoir  baille  divers  enseignemens  en  ladite  epistre,  sur  la  fin  il  dit  ces  propres  mots:  Que  s'il  vous  [g  1]  faut  combatre  plus  long  temps  (comme  ie  vous  adverti  et  denonce  qu'il  vous  faudra  soustenir  encore  des  combats  beaucoup  plus  rudes  que  vous  ne  pensez)  quoy  que  la  rage  des  meschans  se  desborde,  etc.  En  ce  temps-la  aussi,  il  fit  imprimer  un  livre  Latin,  intitule  Response  a,  un  certain  Moyenneur  ruse,  qui,  sous  couleur  de  bailler  moyens  de  pacification,  s'efforce  d'empescher  et  rompre  le  droit  cours  de  l'Evangile  au  Royaume  1)  Premiere  redaction  p.  9.  2)  emporte  F.