46:909  909  DE  LA  PASSION.  910  d'y  estre  aidez.  Et  de  faict  nous  verrons  ci  apres  comme  les  brigans  eurent  les  os  cassez  et  rompus  afin  qu'ils  ne  languissent  point  d'avantage.  Quoy  qu'il  en  soit,  nostre  Seigneur  Iesus  n'a  point  voulu  boire  de  ce  bruvage,  pour  declarer  qu'il  estoit  prest  a,  recevoir  en  obeissance  3a  condition  qui  luy  estoit  commise  de  Dieu  son  Pere.  Vray  est  que  ceste  mort  luy  estoit  bien  dure:  car  outre  ce  qu'elle  estoit  espovantable,  il  y  avoit  les  tormens  spirituels,  desquels  nous  traitterons  encore  demain  au  plaisir  de  Dieu.  Tout  cela  donc  pouvoit  bien  induire  nostre  Seigneur  Iesus  Christ  d'approcher  de  la  mort  tant  qu'il  luy  estoit  possible:  mais  il  s'est  voulu  ranger  avec  toute  obeissance  d'endurer  iusqu'a  ce  qu'il  ait  este  delivre  sans  aucun  moyen  humain.  Voyla  donc  en  somme  ce  que  nous  avons  a  retenir.  Mais  il  y  a  qu'en  ces  articles,  quand  ses  accoustremens  ont  este  divisez  et  qu'on  a  iette  le  sort  dessus,  l'Escriture  a  este  accomplie.  David,  portant  la  figure  de  nostre  Seigneur  Iesus  Christ,  fait  de  telles  complaintes.  Il  est  vray  que  c'est  par  similitude,  quand  il  dit  qu'on  a  mis  du  fiel  en  son  bruvage,  et  du  vinaigre,  et  qu'on  a  divise  sa  despouille,  et  qu'en  son  affliction  on  l'a  encores  pieque  et  angoisse  d'avantage:  comme  les  gens  cruels  et  inhumains  voudroyent  encores  molester  les  povres  affligez  qui  n'en  peuvent  plus.  David  donc  use  de  telle  similitude,  quand  il  dit  que  sa  despouille  a  este  en  proye.  Il  parle  et  de  sa  femme,  et  de  sa  maison,  et  de  tous  ses  biens,  et  de  tous  ses  estats.  Mais  il  a  falu  qu'en  la  personne  de  nostre  Seigneur  Iesus  Christ  ceci  se  veist  a  l'oeil.  On  luy  a  donc  baille  du  vinaigre  et  du  fiel,  afin  qu'on  cognust  que  vrayement  David  a  este  sa  figure,  et  qu'il  estoit  le  vray  Redempteur  qui  avoit  este  promis  de  tout  temps.  Car  pourquoy  le  Royaume  a-il  este  dresse  en  la  maison  de  David,  sinon  avec  promesse  qu'il  dureroit  plus  que  le  soleil  et  la  lune?  Ii  y  avoit  donc  ce  Royaume  eternel  qui  auiourd'huy  a  este  establi  en  la  personne  du  Redempteur.  Car  ces  choses,  qui  ont  este  comme  en  ombrage  et  figure  en  la  personne  de  David,  il  a  falu  qu'elles  eussent  leur  perfection  en  Iesus  Christ,  comme  nous  le  voyons  yci.  Au  reste,  quant  a  ce  que  l'Evangeliste  adiouste  que  les  brigans  mesmes  qui  estoyent  avec  nostre  Seigneur  Iesus  se  sont  mocquez  de  luy,  cela  est  dit  pour  un  seul:  comme  il  appert  par  S.  Luc  qui  declare  ces  choses  plus  au  long.  Mais  c'est  une  facon  de  parler  assez  commune,  comme  quand  on  dira,  On  en  parle  mesmes  iusques  aux  petis  enfans:  combien  qu'il  n'y  en  ait  qu'un,  on  prendra  le  nombre  pluriel.  Il  faut  que  les  femmes  s'en  meslent;  et  il  n'y  en  aura  qu'une.  En  ceste  sorte  donc  il  est  dit  que  nostre  Seigneur  Iesus  a  este  despite,  mocque  et  blaspheme  de  tous,  voire  ius-