46:908 d'autant qu'il a eu le salut des ames si cher et si precieux qu'il s'est la voulu du tout employer. Puis qu'ainsi est nous devons hardiment estre fondez en luy pour l'invoquer, et estre du tout certifiez que ce n'est pas en vain qu'il a tant souffert pour nous. Or quant a ce qu'ils disent, Voyci qui destruit le- Temple et le reedifie en trois iours: il y a une malice par trop vileine, de controuver que Iesus ait dit qu'il destruiroit le Temple. Mais il avoit dit, Destruisez ce Temple et ie le reedifieray au bout de trois iours. Il ne s'estoit donc pas attribue la destruction du Temple, mais a ses ennemis. Et quand ils l'ont crucifie, ne cognoissoyent - ils pas que la chose a commence desia d'estre accomplie? Car ils n'estoyent pas ignorans que Iesus Christ s'estoit declare estre le vray Temple de Dieu quant a son corps humain. Car puis qu'il est Dieu manifeste en chair, et que son essence Divine est unie a sa nature qu'il a prinse de nous, puis, di-ie, que toute plenitude de Divinite habite en luy, il est bien certain que son corps merite d'estre nomme Temple, plus que celuy de Ierusalem et plus que tous les cieux. Or ceux-ci l'ont destruit en tant qu'en eux estoit, et il l'a redifie au bout de trois iours. Et ils n'avoyent pas aussi oublie cela: car ils le scavent bien dire puis apres a Pilate. Mais en cela voyons-nous que si le diable possede les hommes, il les rend si stupides qu'ils n'ont plus discretion, ne de bien, ne de mal. Ils sont pleins de telle furie qu'ils se iettent a l'abandon a l'encontre de Dieu, comme s'ils le vouloyent desfier plenement et de propos delibere. Voyons cela, que nous soyons admonestez de cheminer tant plus en la crainte de Dieu, quand nous cognoissons comme il a besongne de sa vertu admirable, pour declarer que ce n'estoit pas en vain que Iesus Christ avoit prononce ceci de sa bouche, Destruisez ce Temple et ie le redifieray. Car nous ne voyons que confusion en sa mort selon l'apparence et selon le sens commun des hommes: mais Iesus Christ a le tout repare en sa resurrection. Puis qu'ainsi est donc, tant plus devons-nous estre confermez en la foy, et despiter Satan avec tout ce qu'il pourra brasser pour nous mettre en bransle et en doute. Or touchant ce qui est dit qu'ils ont donne a boire a nostre Seigneur lesus du vinaigre mesle avec du fiel et mirrhe, il est bien a presumer que cela se faisoit selon la coustume de ce tempsla pour abbreger la mort des malfaiteurs. Tant y a que Iesus Christ n'a pas voulu boire en ayant gouste, car il scavoit que son heure n'estoit pas encore venue. Oo avoit donc accoustume, devant que les malfaiteurs fussent levez en haut, de leur bailler ce bruvage afin que le sang se troublast et qu'ils rendissent l'esprit tant plustost. Car ceste espece de mort estoit assez cruelle, et ils avoyent besoin