46:907  907  SERMONS  908  nous  et  a  nostre  proufit  qu'il  a  vaincu  tels  assaux,  et  les  a  surmontez.  Il  y  a  aussi  ce  qu'ils  disent,  qu'il  a  sauve  les  autres  et  ne  se  peut  sauver.  Nous  voyons  derechef  comme  ils  estoyent  mis  en  sens  reprouve.  Car  ce  qu'il  avoit  sauve  les  autres,  n'estoit-ce  pas  une  marque  certaine  et  infalible  de  sa  vertu  Divine?  Iesus  Christ  avoit  ressuscite  les  morts  :  cela  ne  leur  estoit  pas  incognu.  Il  avoit  rendu  la  veue  aux  aveugles,  il  avoit  guari  les  paralytiques,  les  boiteux,  les  demoniaques  mesmes.  Voyla  donc  Iesus  Christ  qui  a  desploye  les  grans  thresors  de  sa  bonte  et  puissance  en  tous  les  miracles  qui  ont  este  faits  par  luy  :  et  toutesfois  cela  luy  est  reproche  encores.  Nous  voyons  donc  comme  ces  povres  forcenez,  sans  que  personne  les  contraigne,  sont  leurs  iuges  pour  s'oster  toute  excuse:  tellement  que,  quand  se  viendra  devant  le  grand  siege  iudicial  de  nostre  Seigneur  Iesus  Christ,  ils  ne  pourront  rien  alleguer  pour  couverture:  car  les  voyla  condamnez  par  leur  propre  bouche.  Si  nostre  Seigneur  a  sauve  les  autres,  il  est  certain  qu'il  se  pourroit  sauver,  sinon  qu'il  preferast  les  autres  a  soy-mesmes.  Qu'est-ce  qu'on  peut  la  appercevoir  sinon  une  bonte  admirable,  qu'il  a  voulu  estre  abysme  selon  les  hommes,  pour  nous  retirer  du  profond  des  abysmes:  qu'il  a  voulu  souffrir  tout  ce  que  nous  meritons,  afin  de  nous  en  acquitter:  brief,  il  a  renonce  a  tout  salut  temporel,  c'est  a  dire  qu'il  n'a  point  voulu  preferer  sa  vie,  il  n'a  point  voulu  espargner  sa  personne,  afin  que  nous  fussions  asseurez  de  nostre  salut  eternel,  et  que  nous  en  eussions  un  tel  gage  et  un  tel  payement.  D'autant  plus  donc  devons-nous  estre  confermez  en  nostre  foy  :  et  voyans  comme  tout  ce  que  le  diable  a  machine  pour  nous  troubler  et  empescher  que  nous  ne  venions  a  nostre  Seigneur  Iesus,  nous  doit  servir  d'avantage  pour  nous  certifier  :  que  nous  scachions  faire  nostre  proufit  de  tout  cela.  Or  il  est  certain  que  le  diable  fait  tous  ses  efforts  de  nous  empescher  en  cest  endroit.  Car  cognoissant  ou  gist  nostre  salut,  il  s'addresse  la  sur  tout  afin  de  nous  en  pouvoir  priver.  Car  il  scait,  s'il  nous  peut  induire  a  estre  scandalizez  en  la  personne  de  nostre  Seigneur  Iesus  Christ,  que  c'en  est  fait:  et  nous  l'experimentons  par  trop.  Au  reste,  tous  les  scandales  que  le  diable  nous  suscite  et  nous  met  devant  les  yeux,  pour  nous  faire  destourner  du  Fils  de  Dieu,  nous  doyvent  servir  de  confirmation.  Car  quand  il  est  dit  que  Iesus  Christ  a  sauve  les  autres  et  ne  se  sauve  pas,  c'est  un  propos  lequel,  selon  nostre  iugement,  seroit  pour  nous  faire  concevoir  quelque  desdain  contre  la  personne  du  Fils  de  Dieu,  pour  le  reietter,  et  ne  mettre  point  nostre  esperance  en  luy.  Mais  tout  au  rebours,  scachons  quand  le  Fils  de  Dieu  n'a  pas  eu  esgard  a  soy,  et  qu'il  ne  s'est  point  soucie  de  sa  propre  vie,  c'est