46:906  tations,  quand  le  diable  nous  viendra  assaillir  et  nous  voudra  faire  acroire  que  Dieu  nous  a  delaissez  et  qu'il  nous  a  tourne  le  dos,  et  que  c'est  une  chose  frustratoire  d'esperer  en  luy.  Que  nous  scachions  donc  lors  que  Iesus  Christ  est  le  vray  patron  de  tous  fideles,  et  qu'il  nous  a  monstre  le  chemin  de  ce  qu'il  nous  faut  faire:  et  que  pourtant  c'est  bien  raison  que  nous  soyons  configurez  a  luy.  Il  a  souffert  que  tels  blasphemes  ayent  este  desgorgez  contre  luy,  et  cependant  il  y  a  constamment  resiste,  en  sorte  que  la  victoire  par  ce  moyen  nous  a  este  acquise.  Combatons  donc  auiourd'huy  quand  le  diable  nous  viendra  assieger,  comme  pour  renverser  nostre  foy  et  pour  nous  fermer  la  porte,  a  ce  que  nous  ne  puissions  avoir  acces  a  Dieu,  comme  s'il  nous  avoit  oublie  du  tout.  Suyvons  nostre  Seigneur  Iesus  Christ,  et  attendons  l'heure  que  Dieu  estende  son  bras  pour  monstrer  qu'il  nous  est  pitoyable  et  qu'il  nous  est  Pere,  encores  que  pour  un  temps  il  souffre  que  nous  soyons  ainsi  abbatus.  Voyla  donc  quant  a  ces  broquars  et  mocqueries  qui  ont  este  iettees  sur  nostre  Seigneur  Iesus.  Il  y  en  a  encore  d'autres:  II  s'est  confie  en  Dieu,  qu'il  le  sauve  sHl  Vaime.  Ceci  avoit  este  desia  figure  en  la  personne  de  David,  car  ces  propres  mots  sont  recitez  quand  il  se  plaind  que  ses  ennemis  ont  prins  occasion  de  tirer  la  langue  contre  luy,  et  de  luy  tenir  quasi  le  pied  sur  la  gorge,  en  luy  reprochant  la  fiance  qu'il  avoit  eue  en  Dieu.  Or  il  est  certain  que  c'est  ia  playe  la  plus  mortelle  que  Satan  nous  puisse  faire:  car  comme  la  vie  des  hommes  consiste  en  l'ame,  aussi  la  vie  spirituelle  consiste  en  la  foy,  et  au  refuge  que  nous  avons  a  Dieu,  estans  appuyez  sur  ses  promesses.  Si  nous  sommes  despouillez  de  cela  c'est  fait  de  nous,  et  nous  voyla  du  tout  perdus  et  abysmez.  Et  voyla  aussi  pourquoy  Satan  a  tasche  de  renverser  la  fiance  que  nostre  Seigneur  Iesus  avoit  en  Dieu  son  Pere.  Il  est  vray  que  Iesus  Christ  a  combatu  d'une  autre  vertu  que  nous  ne  pouvons  pas:  car  il  n'a  point  este  suiet  a  nulle  incredulite.  Mais  quoy  qu'il  en  soit,  si  a-il  senti  quelle  furie  il  y  avoit  en  ces  tentations.  Car  comme  le  diable  avoit  machine  au  paravant  telles  choses,  aussi  il  redouble  maintenant  par  ses  supposts.  Il  luy  avoit  dit,  Si  tu  es  Fils  Dieu,  et  que  ces  pierres  soyent  converties  en  pain,  et  que  tu  manges,  car  tu  es  un  povre  affame.  Et  ne  vois-tu  pas  qu'il  faut  experimenter  si  tu  as  quelque  vertu  ou  non?  Or  en  cela  Iesus  Christ  n'a  pas  este  insensible,  non  plus  que  quand  on  luy  reproche  yci  la  fiance  qu'il  avoit  en  Dieu.  Ainsi  maintenant,  combien  que  nous  n'ayons  pas  une  vertu  pareille  pour  resister,  tellement  que  nous  ne  venions  a  defaillir,  tant  y  a  neantmoins  que  nous  devons  estre  fortifiez  en  luy,  scachans  que  c'a  este  pour