46:905  905  DE  LA  PASSION.  906  n'estoit  pas  chose  obscure.  Le  passage  d'Isaie  estoit  aussi  clair  que  si  on  faisoit  un  recit  de  ce  que  nostre  Seigneur  Iesus  a  endure.  Ils  devoyent  donc  cognoistre  qu'il  estoit  impossible  de  mieux  deduire  les  choses  qu'a  fait  le  Prophete,  combien  qu'il  en  ait  parle  si  long  temps  auparavant.  Et  puis,  il  y  a  tant  en  Zacharie  qu'en  Daniel  les  declarations  que  Dieu  devoit  recueillir  son  peuple  et  remettre  son  Eglise  au  dessus  par  tel  moyen:  c'est  que  le  Redempteur  souffrist  tout  opprobre  et  malediction  devant  le  monde.  Comment  donc  est-ce  qu'ils  despitent  ainsi  le  Fils  de  Dieu,  quand  il  s'acquitte  de  son  office,  comme  cela  avoit  este  declare  suffisamment  par  les  Prophetes?  Ainsi  nous  voyons  que  Satan  les  a  transportez,  quand  iis  oublient  tout  ce  qu'ils  avoyent  cognu  auparavant.  Et  ainsi  avisons  de  cheminer  tellement  en  la  crainte  de  Dieu,  qu'apres  avoir  gouste  sa  Parolle  nous  le  recevions  avec  reverence,  et  obeissions  a  nostre  Seigneur  Iesus  Christ  qui  nous  est  la  presente.  Car  c'est  en  luy  aussi  que  nous  trouverons  toute  perfection  de  biens:  voire  si  nous  venons  a  luy  en  humilite.  Car  si  nous  cuidons  nous  iouer  avec  Dieu  il  faudra  que  nostre  audace  recoyve  un  tel  salaire:  comme  nous  lisons  yci  de  ces  miserables  qui  ont  este  ainsi  transportez  de  leur  rage.  Or  cependant  nous  avons  a  faire  nostre  profit  de  ces  blasphemes,  les  tirans  tout  a  l'opposite.  Car  d'autant  que  nostre  Seigneur  Iesus  a  voulu  estre  nostre  Roy  et  nostre  chef,  voyla  pourquoy  il  ne  s'est  pas  sauve.  Les  ennemis  de  verite  ont  dit,  Qu'il  se  sauve  s'il  est  Roy  d'Israel:  mais  il  faloit  qu'il  endurast  en  sa  personne  pour  nous  acquerir  salut.  Pourquoy  donc  nostre  Seigneur  Iesus  ne  s'est  point  espargne?  Pourquoy  a-il  endure  une  mort  tant  amere  et  tant  ignominieuse,  sinon  d'autant  qu'il  faloit  que  nous  fussions  delivrez  par  une  telle  rancon?  Nous  avons  donc  a.  despiter  tous  les  supposts  de  Satan,  et  tous  ses  vileins  qui  desgorgeoyent  ces  blasphemes  que  recite  l'Evangeliste,  et  nous  certifier  tant  mieux  que  vrayement  nous  avons  un  Roy  qui  a  prefere  nostre  salut  a  sa  propre  vie,  et  a  souffert  tout  ce  qui  estoit  requis  pour  nostre  redemption,  et  n'a  eu  autre  esgard  sinon  de  racheter  ce  qui  estoit  perdu.  Car  nous  estions  desesperez  si  le  Fils  de  Dieu  nous  eust  laisse  en  nostre  estat  et  condition.  Mais  quand  il  a  este  ainsi  abysme  en  la  mort,  voyla  ou  gist  nostre  delivrance:  quand  il  a  endure  le  tout  si  patiemment,  voyla  qui  est  cause  que  Dieu  maintenant  estend  sa  main  et  sa  vertu  pour  nous  secourir  au  besoin.  Il  a  donc  falu  que  nostre  Seigneur  Iesus  fust  la  comme  abandonne  de  Dieu,  afin  qu'auiourd'huy  nous  sentions  qu'il  veille  pour  nostre  salut,  et  qu'il  sera  tousiours  prest  de  nous  aider  a  la  necessite  quand  nous  le  requerrons.  Cependant  aussi  apprenons  de  nous  armer  contre  telles  ten-