46:904  affranchis  devant  Dieu  et  absous.  Car  nous  meritons  que  Dieu  nous  reiette,  voire  qu'il  desploye  sur  nous  sa  vengence  horrible,  cependant  qu'il  regarde  quels  nous  sommes.  Il  n'y  a  donc  autre  moyen  d'acquerir  grace,  sinon  que  nous  venions  a  nostre  Seigneur  Iesus  Christ,  et  que  nous  y  ayons  tout  nostre  refuge,  d'autant  que  nous  sommes  deschargez  d'un  tel  fardeau,  quand  il  a  voulu  estre  comme  maudit  et  detestable  pour  nous,  afin  que  nous  trouvions  faveur  devant  Dieu  et  que  nous  luy  soyons  agreables.  Car  combien  que  desia  Pilate  son  iuge  l'eust  iustifie  plusieurs  fois,  si  faloit-il  neantmoins  qu'il  receust  en  sa  personne  tout  ce  qui  estoit  requis  pour  nous  racheter:  car  il  estoit  nostre  plege,  et  a  falu  qu'en  tout  et  par  tout  il  respondist  pour  nous.  Ainsi  donc  apres  avoir  cognu  que  nostre  Seigneur  Iesus  a  este  ainsi  reiette,  comme  n'estant  pas  digne  d'estre  de  la  compagnie  des  hommes,  voire  comme  portant  telle  infection,  qu'il  ne  pouvoit  pas  estre  endure:  voyans,  di-ie,  cela,  que  nous  apprenions  de  le  suyvre,  et  renoncer  au  monde,,  comme  nous  sommes  exhortez  en  ce  passage-la.  Et  s'il  faut  que  nous  soyons  mocquez,  qu'on  nous  retranche  comme  membres  pourris,  et  qu'on  nous  ait  en  detestation,  endurons-le  tout  patiemment,  haissans  les  yeux,  iusques  a  ce  que  le  iour  viene  que  nos  tristesses  soyent  converties  en  ioye,  que  Dieu  torchera  les  larmes  de  nos  yeux:  et  mesmes  que  ce  qu'on  iuge  maintenant  comme  ignominie,  que  cela  nous  soit  converti  en  gloire:  car  il  est  certain  que  tout  ce  que  nous  endurons  pour  nostre  Seigneur  Iesus  Christ  est  plus  honorable  devant  Dieu  que  toutes  les  pompes  de  ce  monde.  Voyla  donc  ce  que  nous  avons  a  retenir  quant  au  lieu.  Or  l'Evangeliste  adiouste  que  nostre  Seigneur  Iesus  a  este  mocque  de  tous  ceux  qui  passoyent  par  la,  et  surtout  des  Sacrificateurs  et  des  Scribes  et  leurs  semblables.  Et  quelle  en  a  este  l'occasion?  SHI  est  Fils  de  Dieu  qu'il  descende,  disent-ils,  et  qu'il  se  sauve,  car  il  a  bien  sauve  les  autres.  S'il  est  Roy  d'Israel,  qu'il  le  monstre.  Yci  nous  voyons  un  terrible  aveuglement  en  ces  miserables,  qui  ont  este  possedez  de  Satan,  pour  n'avoir  plus  nul  sentiment  ni  discretion.  Voyla  les  Sacrificateurs  qui  devoyent  estre  les  Anges  de  Dieu:  car  il  les  avoit  ordonnez  a  cest  usage,  afin  que  sa  Parolle  et  sa  volonte  fust  cognue  par  leur  bouche.  Voyla  les  'Scribes  qui  sont  exercez  en  la  Loy,  et  neantmoins  en  cuidant  aneantir  nostre  Seigneur  Iesus,  ils  monstrent  qu'ils  foullent  au  pied  toute  l'Escriture  saincte  et  toute  la  religion  de  laquelle  ils  se  vantoyent.  Quand  on  leur  a  parle  du  Messias  auparavant,  ils  ont  bien  su  respondre  qu'il  faloit  qu'il  nasquist  en  Beth-lehena:  ils  devoyent  aussi  estre  advertis  et  informez  que  le  Redempteur  qui  leur  estoit  promis  devoit  souffrir  une  telle  mort.  Et  ce