46:901  soi  DE  LA  PASSION.  902  sang  de  nostre  Seigneur  Iesus  soit  tombe  sur  eux,  voire  a,  leur  confusion  et  de  tout  leur  lignage.  Comme  aussi  il  leur  avoit  declare  auparavant:  II  faudra  que  vostre  iniquite  viene  au  comble,  et  que  le  sang  des  Martyrs,  depuis  Abel  le  iuste,  iusques  a  Zacharie  fils  de  Baraehie,  qui  a  este  meurtri  n'agueres,  vous  soit  ramentu,  et  que  vous  voyez  que  vous  avez  este  tousiours  meurtriers  des  Prophetes,  et  que  par  ce  moyen  vous  avez  bataille  contre  Dieu  et  contre  sa  Parolle.  Voyla  donc  oomme  le  sang  de  nostre  Seigneur  Iesus,  qui  devoit  estre  le  salut  de  tout  le  monde,  et  mesmes  des  Iuifs  par  especial,  d'autant  que  la  primogeniture  leur  appartenoit,  a  crie  vengence  a  rencontre  d'eux.  Mais  maintenant  apprenons  de  nous  plonger  dedans,  et  de  prier  Dieu  qu'il  viene  sur  nous  d'une  autre  facon,  et  sur  nous  et  sur  nos  enfans  en  particulier:  c'est  a  dire  que  nous  en  soyons  lavez  et  nettoyez,  voyans  que  nous  sommes  abominables  devant  Dieu  a,  cause  de  nos  pechez,  iusques  a  ce  que  nous  soyons  lavez,  que  nous  souffrions  que  le  sang  qui